ប្រទេសលោកខាងលិច ដឹកអាវុធប្រឆាំងរថក្រោះរាប់ពាន់គ្រឿងទៅជួយ អ៊ុយក្រែន

អធិការបតីអាល្លឺម៉ង់លោក Olaf Scholz បានបង្ហាញកាលពីថ្ងៃសៅរ៍ថា ប្រទេសអាល្លឺម៉ង់នឹងផ្គត់ផ្គង់អាវុធប្រឆាំងរថក្រោះចំនួន ១,០០០ គ្រឿង និងកាំជ្រួចមីស៊ីលបាញ់ពីដីទៅអាកាសឈ្មោះ Stinger ចំនួន ៥០០ គ្រាប់ ។

ទន្ទឹមនោះ ក្រសួងការពារជាតិអ៊ុយក្រែនបាននិយាយកាលពីថ្ងៃសៅរ៍ថា រដ្ឋាភិបាលប្រទេសហូឡង់ក៏នឹងផ្គត់ផ្គង់អាវុធប្រឆាំងរថក្រោះ Panzerfaust-3 ចំនួន ៥០ គ្រឿង និងគ្រាប់រ៉ុកកែត ៤០០ គ្រាប់ផងដែរ ។

ស្របពេលជាមួយគ្នានេះ ប្រទេសហូឡង់ក៏កំពុងពិចារណារួមគ្នាជាមួយប្រទេសអាល្លឺម៉ង់អំពីការដាក់ពង្រាយប្រព័ន្ធការពារដែនអាកាស Patriot ទៅកាន់ក្រុមសមរភូមិរបស់អង្គការណាតូនៅក្នុងប្រទេសស្លូវ៉ាគី ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ កងកម្លាំង អ៊ុយក្រែន កំពុងវាយបក រុស្ស៊ី វិញមិនឲ្យរុលចូលក្រុង គៀវ