កងកម្លាំង អ៊ុយក្រែន កំពុងវាយបក រុស្ស៊ី វិញមិនឲ្យរុលចូលក្រុង គៀវ

ប្រធានាធិបតីអ៊ុយក្រែនលោក Volodymyr Zelenskyy បាននិយាយនៅក្នុងសារជាវីដេអូមួយកាលពីថ្ងៃសៅរ៍ថា កងទ័ពប្រទេសរបស់លោកបានវាយបកកងកម្លាំងរុស្ស៊ីដែលកំពុងរុលទៅមុខលើទីក្រុង គៀវ ។

លោកបាននិយាយថា ការប្រយុទ្ធកំពុងកើតឡើងនៅក្នុងទីក្រុង និងតំបន់ជាច្រើនក្នុងប្រទេសរបស់លោក ប៉ុន្តែទីក្រុង គៀវ និងទីក្រុងនានាជុំវិញរដ្ឋធានីត្រូវបានគ្រប់គ្រងដោយកងទ័ពអ៊ុយក្រែនវិញហើយ ។

លោក Zelenskyy បានចោទប្រកាន់កងកម្លាំងរុស្ស៊ីពីការវាយលុកតំបន់លំនៅដ្ឋានដែលមិនជាជាគោលដៅយោធា ដោយនិយាយថា ពួកគេកំពុងប្រើប្រាស់សព្វាវុធគ្រប់ប្រភេទ រួមទាំងមីស៊ីល និងយន្តហោះចម្បាំងផងដែរ ។

នៅចុងបញ្ចប់នៃសាររបស់គាត់ លោក Zelenskyy បានប្តូរការនិយាយរបស់លោកទៅជាភាសារុស្សី ដោយលោក​បាន​អរគុណ​អ្នក​ដែល​ជា​ប្រជាជន​រុស្ស៊ី​ដែល​មាន​មនសិការ​ចំពោះ​ការ​បញ្ចេញ​មតិ​ប្រឆាំង​នឹង​សង្រ្គាម​ដឹកនាំ​ដោយ​រុស្ស៊ី ។

លោក​បាន​បន្តក្នុងសារនោះ​ថា “​យើង​ត្រូវ​បញ្ឈប់​សង្គ្រាម​នេះ ​។ យើង​អាច​រស់នៅ​ដោយ​សន្តិភាព​ជាមួយ​គ្នា​” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ចេញមុខហើយ ពេលនេះ ណាតូ ដាក់ពង្រាយកម្លាំង ឆ្លើយតបលើកដំបូង ជាមួយ រុស្ស៊ី​