ព័ត៌មានអន្ដរជាតិ
ចិន បន្តទំនាក់ទំនងពាណិជ្ជកម្មជាមួយ រុស្ស៊ី ទោះមានទណ្ឌកម្មពីអន្តរជាតិ
អ្នកនាំពាក្យក្រសួងការបរទេសចិនលោក Wang Wenbin បាននិយាយកាលពីថ្ងៃអង្គារ ក្នុងអំឡុងសន្និសីទសារព័ត៌មានមួយថា ប្រទេសចិននឹងរក្សាទំនាក់ទំនងពាណិជ្ជកម្មធម្មតាជាមួយរុស្ស៊ី ទោះបីជាមានការដាក់ទណ្ឌកម្មពីអន្តរជាតិក៏ដោយ ។
យោងតាមអ្នកនាំពាក្យរូបនេះបញ្ជាក់ថា ជំហររបស់ចិនគឺប្រឆាំងរាល់ទណ្ឌកម្មឯកតោភាគី “ដាក់ដោយខុសច្បាប់” ដោយជឿថា “ទណ្ឌកម្មមិនមែនជាដំណោះស្រាយដ៏មានប្រសិទ្ធភាពក្នុងការដោះស្រាយបញ្ហានោះទេ” ហើយចិន និងរុស្ស៊ីនឹងបន្តអនុវត្តកិច្ចសហប្រតិបត្តិការពាណិជ្ជកម្មធម្មតា ហើយនេះជាស្មារតីនៃការគោរពគ្នា សមភាព និងផលប្រយោជន៍ទៅវិញទៅមក ។
ឆ្លើយតបនឹងសំណួររបស់អ្នកកាសែត Reuters អំពីប្រទេសចិនទិញថាមពល និងទំនិញផ្សេងទៀតពីរុស្ស៊ី បន្ទាប់ពីការដាក់ទណ្ឌកម្មនាពេលថ្មីៗនេះ អ្នកនាំពាក្យបាននិយាយថា ប្រទេសទាំងពីរត្រូវតែ “បន្តកិច្ចសហប្រតិបត្តិការពាណិជ្ជកម្មធម្មតា” ។
ក្នុងសន្និសីទសារព័ត៌មាននោះ អ្នកនាំពាក្យរូបនេះបានបន្ថែមថា ជំហររបស់ចិនចំពោះជម្លោះនៅអ៊ុយក្រែនមិនបានផ្លាស់ប្តូរទេ ហើយចិនបានត្រៀមខ្លួនជាស្រេចដើម្បីដើរតួនាទីស្ថាបនាក្នុងការបន្ធូរបន្ថយស្ថានការណ៍នៅអ៊ុយក្រែន ។
ចំណែកក្នុងសម័យប្រជុំបន្ទាន់របស់អង្គការសហប្រជាជាតិ តំណាងអចិន្ត្រៃយ៍របស់ប្រទេសចិន លោក Zhang Jun បាននិយាយថា ជម្លោះរវាងរុស្ស៊ី និងអ៊ុយក្រែន អាចដោះស្រាយតាមរយៈការសន្ទនា និងការចរចាដោយផ្ទាល់ ។
កាលពីដើមឆ្នាំ ២០២២ ប្រធានាធិបតីរុស្ស៊ីលោក វ្ល៉ាឌីមៀ ពូទីន និងសមភាគីចិនលោក ស៊ី ជីនពីង បានចេញសេចក្តីប្រកាសរួមមួយ ដោយអំពាវនាវឲ្យបញ្ឈប់ការពង្រីកអង្គការណាតូ ដែលទីក្រុងមូស្គូបានប្រឆាំង និងបានព្យាយាមកាត់បន្ថយតាមរយៈការទទួលបានការធានាសន្តិសុខពីប្លុកយោធាដឹកនាំដោយសហរដ្ឋអាមេរិក ។
គួរបញ្ជាក់ថា រុស្ស៊ីបានបើកការវាយប្រហារលើអ៊ុយក្រែនកាលពីថ្ងៃព្រហស្បតិ៍សប្តាហ៍មុនដែលជាហេតុធ្វើឲ្យក្រុងកៀវ និងបណ្តាប្រទេសលោកខាងលិចថ្កោលទោសរុស្ស៊ីចំពោះការប្រព្រឹត្តទង្វើដែលមិនបង្កហេតុ ហើយក៏មានការដាក់ទណ្ឌកម្មរបស់លោកខាងលិចប្រឆាំងនឹងទីក្រុងមូស្គូក្នុងការសងសឹកដោយធ្វើឲ្យប៉ះពាល់យ៉ាងធ្ងន់ធ្ងរដល់សេដ្ឋកិច្ចរបស់រុស្ស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ Farsnews
ចុចអាន ៖ ប្រទេសតែមួយគត់រងការប្រល័យពីការទម្លាក់ គ្រាប់បែកបរមាណូ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង