ព័ត៌មានអន្ដរជាតិ
ពលរដ្ឋចិនភាគច្រើនត្រូវបានជម្លៀសចេញពីអ៊ុយក្រែនហើយ
ស្ថានទូតចិនប្រចាំប្រទេសអ៊ុយក្រែនបានប្រកាសនៅថ្ងៃចន្ទ ទី៧ ខែមីនានេះថា ភាគច្រើននៃពលរដ្ឋចិនដែលមាន៦ពាន់នាក់ត្រូវបានជម្លៀសចេញពីអ៊ុយក្រែនហើយ ខណៈការវាយប្រហារនៅតែបន្តតាមទីក្រុងជាច្រើន។
ក្នុងរយៈពេលប៉ុន្មានសប្តាហ៍មុនឈានដល់ជម្លោះផ្ទុះឡើង សារព័ត៌មានរដ្ឋចិនបានច្រានចោលចំពោះការព្រមានរបស់អាមេរិកនៃការវាយប្រហាររបស់រុស្ស៊ីខិតជិតមកដល់។ មិនដូចប្រទេសលោកខាងលិចជាច្រើន រដ្ឋាភិបាលទីក្រុងប៉េកាំងបានរង់ចាំរហូតដល់សង្គ្រាមបានផ្ទុះឡើងកាលពីថ្ងៃទី២៤ ខែកុម្ភៈទើបប្រាប់ពលរដ្ឋរបស់ខ្លួនឲ្យចាកចេញ។
ស្ថានទូតបាននិយាយក្នុងសេចក្តីថ្លែងការណ៍លើបណ្តាញទំនាក់ទំនងសង្គមថា ៖«ឥឡូវនេះ ប្រជាជនចិនភាគច្រើននៅអ៊ុយក្រែនត្រូវបានជម្លៀសចេញហើយ»។
«នាពេលបច្ចុប្បន្ននេះ ស្ថានភាពតានតឹងនៅអ៊ុយក្រែនបន្តដុនដាប…ស្ថានទូតចិននៅអ៊ុយក្រែនរំលឹកជាឱឡារិកថា ជនជាតិចិនដែលនៅសល់សូមចាកចេញពីប្រទេសឲ្យបានឆាប់តាមដែលអាចទៅរួច»។
ចិនបានដើរលើផ្លូវការទូតយ៉ាងតឹងរឹងកំឡុងពេលវិបត្តិដោយបដិសេធថ្កោលទោសសម្ព័ន្ធជិតស្និទ្ធរបស់ខ្លួនគឺរុស្ស៊ីដែលកំពុងក្លាយជាគោលដៅនៃការដាក់ទណ្ឌកម្មពីអន្តរជាតិ។
ប្រជាជនចិនមួយចំនួនត្រូវបានគេរាយការណ៍ថា ត្រូវបានធ្វើទុក្ខបុកម្នេញ ឬហិង្សាពីអ្នកស្រុកនៅអ៊ុយក្រែនដោយសារការគាំទ្ររបស់រដ្ឋាភិបាលចិនទៅលើរុស្ស៊ី។
កាលពីសប្តាហ៍មុន ក្រសួងការបរទេសចិនបាននិយាយថា ខ្លួនបានជួយជម្លៀសជនជាតិចិនប្រមាណ៣០០០នាក់ដែលភាគច្រើនតាមការដឹកជញ្ជូនតាមផ្លូវគោក បន្ទាប់ពីដែនអាកាសអ៊ុយក្រែនត្រូវបានបិទ៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ១ សប្តាហ៍ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៦ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា១ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៦ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានអន្ដរជាតិ១ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន