ព័ត៌មានអន្ដរជាតិ

អ្នកបាញ់ស៊ីបសាហាវបំផុតលើលោកមកជួយប្រយុទ្ធឲ្យ អ៊ុយក្រែន (មានវីដេអូ)

បានផុស

៤ years មុន

នៅ

ថ្ងៃព្រហស្បតិ៍ ១០ មីនា ២០២២

ដោយ

អ្នកបាញ់ស៊ីបដ៏សាហាវបំផុតក្នុងពិភពលោកម្នាក់បានឆ្លើយតបនឹងការហៅទូរស័ព្ទពីប្រធានាធិបតីអ៊ុយក្រែនលោក Volodymyr Zelensky ហើយបានធ្វើដំណើរទៅសមរភូមិមុខ ដោយស្បថថានឹងប្រយុទ្ធជាមួយទាហានរុស្ស៊ីដែលលុកលុយអ៊ុយក្រែន ។

ទន្ទឹមនោះ វាកើតឡើង បន្ទាប់ពីលោកប្រធានាធិបតីបានប្រកាសកាលពីថ្ងៃសៅរ៍ថា “ជនបរទេសទាំងអស់ដែលមានបំណងចង់ចូលរួមក្នុងការតស៊ូប្រឆាំងនឹងការលុកលុយពីរុស្ស៊ី និងការពារសន្តិសុខអន្តរជាតិ ត្រូវបានអញ្ជើញដោយរដ្ឋាភិបាលឲ្យមកទឹកដីរបស់អ៊ុយក្រែនដើម្បីចូលរួមជួរនៃកងកម្លាំងដែនដីរបស់ប្រទេសមួយនេះ” ។

អ្នកបាញ់ស៊ីបដែលមានឈ្មោះហៅក្រៅថា ‘Wali’ នៅប្រទេសអាហ្វហ្គានីស្ថានបាននិយាយថា ដំបូងឡើយគាត់ត្រូវបានទាក់ទងដោយមិត្តម្នាក់កាលពីថ្ងៃសុក្រដែលបានរៀបចំក្បួននៃជំនួយមនុស្សធម៌អស់រយៈពេលជាច្រើនខែដើម្បីនាំយកអាហារទៅកាន់តំបន់ Donbas ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Wali ដែលបានប្រយុទ្ធជាមួយក្រុម Kurds ប្រឆាំងនឹង ISIS នៅក្នុងប្រទេសស៊ីរី បានប្រាប់កាសែត La Presse របស់បារាំង-កាណាដា ថា “គាត់បានប្រាប់ខ្ញុំថា ពួកគេត្រូវការអ្នកបាញ់ស៊ីប ។ អារម្មណ៍ពេលនោះហាក់ដូចជាអ្នកពន្លត់អគ្គីភ័យឮសំឡេងរោទិ៍ ដូច្នេះខ្ញុំត្រូវតែទៅ” ។

គាត់បាននិយាយថា “ខ្ញុំដឹងថាវាអាក្រក់ណាស់ ។ ប៉ុន្តែនៅពេលដែលខ្ញុំឃើញរូបភាពនៃការបំផ្លិចបំផ្លាញនៅអ៊ុយក្រែន ធ្វើឲ្យខ្ញុំឃើញដល់អ្នកដែលរងទុក្ខ ហើយខ្ញុំទៅទីនោះដោយហេតុផលមនុស្សធម៌“ ។

ជាចុងក្រោយ Wali បានប្រាប់ CBC ថា គាត់ និងអតីតទាហានកាណាដា ៣ នាក់ផ្សេងទៀតត្រូវបានស្វាគមន៍យ៉ាងរីករាយជាមួយនឹងការឱប ចាប់ដៃ ទង់ជាតិ និងរូបថតពីជនជាតិអ៊ុយក្រែន បន្ទាប់ពីពួកគេបានឆ្លងកាត់ព្រំដែន ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ លោក Zelensky ចេញវីដេអូមួយទៀត ស្តីបន្ទោសអឺរ៉ុបទាំងយប់