ព័ត៌មានអន្ដរជាតិ

ផែនការទិញយន្តហោះចម្បាំង F-35 របស់ថៃរង់ចាំការសម្រេចពីអាមេរិក

បានផុស

៤ years មុន

នៅ

ថ្ងៃចន្ទ ១៤ មីនា ២០២២

ដោយ

វាមិនទាន់ប្រាកដប្រជានៅឡើយទេថាតើសហរដ្ឋអាមេរិកនឹងអនុម័តលើគម្រោងរបស់កងទ័ពអាកាសថៃ (RTAF) ដើម្បីទិញយន្តហោះចម្បាំង F-35 ឬយ៉ាងណានោះទេ។ នេះបើយោងតាមប្រភព។

ប្រភពពី RTAF បាននិយាយថា ៖«នេះទោះបីជាមានការផ្លាស់ប្តូររបស់ RTAF ដើម្បីស្នើមេបញ្ជាការកងទ័ពជើងអាកាសតំបន់ប៉ាស៊ីហ្វិក (PACAF) របស់សហរដ្ឋអាមេរិកឲ្យមានការគាំទ្រនៅពីក្រោយផែនការទិញ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈរដ្ឋមន្ត្រីថៃកាលពីថ្ងៃទី១១ ខែមករា បានអនុម័តផែនការរបស់កងទ័ពជើងអាកាសថៃដើម្បីទិញយន្តហោះចម្បាំងអាមេរិកចំនួន៤គ្រឿងដែលគ្រោងចាប់ផ្តើមនាឆ្នាំក្រោយនេះជាមួយនឹងកញ្ចប់ថវិកាចំនួន១៣.៨ប៊ីលានបាត។

ប្រភពពីទ័ពជើងអាកាសថៃបាននិយាយថា បញ្ហាត្រូវបានលើកឡើងពេលកិច្ចប្រជុំរវាងអគ្គមេបញ្ជាការ RTAF លោក Napadej Dhupatemiya និងលោកឧត្តមសេនីយ៍ Ken Wilsbach មេបញ្ជាការ PACAF អំឡុងដំណើរទស្សនកិច្ចមួយទៅសហរដ្ឋអាមេរិក។

ភាគីទាំងពីរបានពិភាក្សាគ្នាជុំវិញប្រធានបទជាច្រើនរាប់បញ្ចូលទាំងសន្តិសុខតំបន់ ការបន្តតំបន់ឥណ្ឌូ-ប៉ាស៊ីហ្វិកដោយសេរី និងបើកចំហរ ព្រមទាំងកិច្ចខិតខំប្រឹងប្រែងរួមគ្នាដើម្បីអភិវឌ្ឍកងទ័ពជើងអាកាសថៃឲ្យកាន់តែទំនើប។

ប្រភពមួយបាននិយាយថា នេះជាដំណើរទស្សនកិច្ចលើកដំបូងរបស់លោក Napadej ទៅសហរដ្ឋអាមេរិក និងបន្ថែមថា លោកបានណែនាំខ្លួនជាមេបញ្ជាការ RTAF ទើបត្រូវបានតែងតាំងថ្មី។

លោក Napadej ត្រូវបានតែងតាំងដោយគណៈកម្មាធិការមួយដើម្បីគម្រោងទិញយន្តហោះចម្បាំង F-35។ អំឡុងពេលកិច្ចប្រជុំ គណៈប្រតិភូយោធាថៃបានស្នើលោក Wilsbach ឲ្យគាំទ្រគម្រោងដើម្បីជាផ្នែកមួយជួយជំរុញរដ្ឋាភិបាលអាមេរិកឲ្យលក់យន្តហោះចម្បាំង F-35s ទៅប្រទេសថៃ។

ប្រភព បាននិយាយថា ៖«ពេលនោះ បញ្ជាការ PACAF បានបង្ហាញការគាំទ្រចំពោះផែនការទិញនេះ ទោះជាមានយន្តការមួយចំនួននៅត្រូវការធ្វើបន្ថែមក៏ដោយ»។