ប្រជុំគ្នាម្សិលមិញ អាមេរិក ព្រមាន ចិន ខ្លាំងៗពាក់ព័ន្ធរឿង រុស្ស៊ី (មានវីដេអូ)

សហរដ្ឋ​អាមេរិក​បាន​ព្រមាន​ចិន​ ប្រឆាំង​នឹង​ការ​ផ្តល់​ជំនួយ​ដល់​រុស្ស៊ី ​នៅ​ក្នុង​ប្រទេស​អ៊ុយក្រែន​ដោយ​និយាយ​ថា ​នឹង​មានផល​វិបាកធ្ងន់ធ្ងរ ប្រសិន​បើ​ក្រុង​ប៉េកាំង ​ផ្តល់​ការ​គាំទ្រ​ដល់​កិច្ច​ខិតខំប្រឹងប្រែង​ធ្វើ​សង្រ្គាម​របស់ទី​ក្រុង​មូស្គូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីប្រឹក្សាសន្តិសុខជាតិអាមេរិក លោក Jake Sullivan បានបង្ហាញក្តីព្រួយបារម្ភរបស់ទីក្រុងវ៉ាស៊ីនតោន ទៅកាន់នាយកការិយាល័យកិច្ចការបរទេសរបស់ប្រទេសចិន គឺលោក Yang Jiechi ក្នុងអំឡុងកិច្ចប្រជុំនៅទីក្រុង រ៉ូម កាលពីម្សិលមិញ។ នេះបើយោងតាមអ្នកនាំពាក្យក្រសួងការបរទេសសហរដ្ឋអាមេរិក លោក Ned Price ប្រាប់អ្នកយកព័ត៌មានកាលពីថ្ងៃចន្ទទី១៤ខែមីនា។

លោក Price និយាយថា “យើងកំពុងតាមដានយ៉ាងដិតដល់ នូវវិសាលភាពដែល សាធារណៈរដ្ឋប្រជាមានិតចិន ឬប្រទេសណាមួយក្នុងពិភពលោកផ្តល់ការគាំទ្រ ដូចជាសម្ភារៈ សេដ្ឋកិច្ច ហិរញ្ញវត្ថុ វោហាសាស្ត្រ ចំពោះសង្រ្គាមដែលប្រធានាធិបតីរុស្ស៊ីលោក Vladimir Putin កំពុងធ្វើជាមួយ​អ៊ុយក្រែន។ ហើយ​យើង​សូមបញ្ជាក់ដល់ទីក្រុងប៉េកាំងឲ្យ​ច្បាស់ថា នឹង​មាន​ផល​វិបាក​ធ្ងន់ធ្ងរសម្រាប់​ការ​គាំទ្រ​បែប​នេះ”។

គួរបញ្ជាក់ថា ជំនួបរវាងលោក Sullivan និង Yang បានកើតឡើងមួយថ្ងៃ បន្ទាប់ពីប្រព័ន្ធផ្សព្វផ្សាយអាមេរិកជាច្រើនបានរាយការណ៍ ដោយលើកយកសម្តីមន្ត្រីអាមេរិកមិនបញ្ចេញអត្តសញ្ញាណដែលនិយាយថា ទីក្រុងមូស្គូ កំពុងស្វែងរកជំនួយផ្នែកយោធាពីទីក្រុងប៉េកាំង។

ទោះបីជាយ៉ាងណាក៏ដោយ ចិនបានច្រានចោលរបាយការណ៍នេះ ដោយអ្នកនាំពាក្យក្រសួងការបរទេសលោក Zhao Lijian បាននិយាយថា “សហរដ្ឋអាមេរិក កំពុងផ្សព្វផ្សាយព័ត៌មានមិនពិត ដែលផ្តោតលើប្រទេសចិនលើបញ្ហាអ៊ុយក្រែន ជាមួយចេតនាអាក្រក់”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រុស្ស៊ី ហាមឃាត់ការនាំចេញ ស្ករស និង ស្រូវសាលី ទៅកាន់ប្រទេសអតីតសហភាពសូវៀត