ព័ត៌មានអន្ដរជាតិ
នេះប្រាក់ខែទាហានស៊ីឈ្នួលបរទេសដែល រុស្ស៊ី ផ្ដល់ឲ្យប្រយុទ្ធជាមួយ អ៊ុយក្រែន (មានវីដេអូ)
នាយកដ្ឋានស៊ើបការណ៍សម្ងាត់នៃក្រសួងការពារជាតិអ៊ុយក្រែន (GUR) និងអគ្គសេនាធិការនៃកងកម្លាំងប្រដាប់អាវុធអ៊ុយក្រែនបានអះអាងថា រុស្ស៊ីកំពុងហ្វឹកហាត់ និងត្រៀមនាំយកប្រជាជនលីប៊ី និងស៊ែបទៅប្រយុទ្ធនៅអ៊ុយក្រែនបន្ថែមពីលើទាហានស៊ីឈ្នួលស៊ីរីដែលខ្លួនកំពុងចុះឈ្មោះរួចហើយ ។
ពាក់ព័ន្ធនឹងការនាំយកទាហានស៊ីឈ្នួលមកកាន់រុស្ស៊ីនេះដែរ, យោងតាមការចុះផ្សាយរបស់សារព័ត៌មាន The Jerusalem Post បានឲ្យដឹងថា រុស្ស៊ីបានផ្តល់ប្រាក់ឈ្នួលដល់ទាហានស៊ីឈ្នួលបរទេសក្នុងមួយខែពី ៣០០ ទៅ ៦០០ ដុល្លារ ដើម្បីប្រយុទ្ធជាមួយអ៊ុយក្រែន ។
ទន្ទឹមនោះ វាក៏កើតឡើង ស្របពេលដែលប្រធានាធិបតីរុស្ស៊ីលោក វ្ល៉ាឌីមៀ ពូទីន បានផ្តល់ភ្លើងខៀវដល់អ្នកស្ម័គ្រចិត្តមកពីមជ្ឈិមបូព៌ារហូតដល់ ១៦,០០០ នាក់មករុស្ស៊ីប្រយុទ្ធជាមួយអ៊ុយក្រែន ។
បន្ថែមពីនេះ ចារកម្មអ៊ុយក្រែនបានប្រកាសក្នុងសេចក្ដីថ្លែងការ៍មួយថា រុស្ស៊ីបានបើកមជ្ឈមណ្ឌលជ្រើសរើសទាហានស៊ីឈ្នួលចំនួន ១៤ កន្លែងនៅក្នុងទីក្រុង Damascus, Aleppo, Hamma, Raqqa និង Deir ez-Zor នៃប្រទេសស៊ីរី ។
បន្ទាប់ពីការហ្វឹកហ្វឺន ទាហានស៊ីឈ្នួលត្រូវបានគេរំពឹងថានឹងដឹកជញ្ជូនឆ្លងកាត់តំបន់ Khmeimim ហើយបន្ទាប់មកដល់មូលដ្ឋានទ័ពអាកាស Chkalovsky ដោយយន្តហោះ Tu-134 ចំនួន ២ គ្រឿង និងយន្តហោះ Tu-154 មួយគ្រឿង ។
គួរបញ្ជាក់ថា រហូតមកដល់ពេលនេះសង្គ្រាមរវាងរុស្ស៊ី និងអ៊ុយក្រែនបានឈានដល់សប្ដាហ៍ទី ៤ ហើយ បន្ទាប់ពីការលុកលុយរបស់ក្រុងមូស្គូលើក្រុងកៀវកាលពីថ្ងៃទី ២៤ ខែកុម្ភៈ បណ្ដាលឲ្យមានការបំផ្លិចបំផ្លាញហេដ្ឋារចនាសម្ព័ន្ធ និងជនស៊ីវិលជាច្រើននាក់ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Jerusalem Post
ចុចអាន ៖ អ៊ុយក្រែន បញ្ជាក់ពេលវេលាសម្រេចកិច្ចព្រមព្រៀងសន្តិភាពជាមួយ រុស្ស៊ី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង