ព័ត៌មានអន្ដរជាតិ
នាយករដ្ឋមន្ត្រីថៃប្រហែលកាន់តំណែងមិនចប់អាណត្តិពេញ
នាយករដ្ឋមន្ត្រីថៃ លោក ប្រាយុទ្ធ ចាន់អ៊ូចា ជាលើកដំបូងហើយដែលលោកបដិសេធធ្វើការសន្យាថា លោកនឹងកាន់តំណែងរហូតចប់អាណត្តិពេញ ឬបដិសេធទាំងស្រុងនូវលទ្ធភាពដែលអាចឈានដល់ការរំលាយសភាមុនអាណត្តិបញ្ចប់ផ្លូវការរបស់លោកនាខែមីនា ឆ្នាំ២០២៣។
ពេលត្រូវបានគេសួរមុនៗ លោកនាយករដ្ឋមន្ត្រីថៃបានបញ្ជាក់ថា មិនមានការបោះឆ្នោតមុនពេលកំណត់នោះទេ ហើយលោកនឹងកាន់តំណែងរហូតដល់ចប់អាណត្តិពេញលេញនាខែមីនា ឆ្នាំ២០២៣ ឬលើសនេះ។
លោក ប្រាយុទ្ធ កំពុងឆ្លើយតបទៅនឹងការលើកឡើងដែលត្រូវបានគេរាយការណ៍របស់លោកឧបនាយករដ្ឋមន្ត្រី Prawit Wongsuwon អំឡុងពេលជួបតំណាងគណបក្សចម្រុះកាលពីថ្ងៃចន្ទនៅការិយាល័យអភិរក្សព្រៃឈើព្រំដែនខេត្តទាំង៥ផ្លូវ Phahon Yothin។
លោកឧត្តមសេនីយ៍ ប្រាយុទ្ធ ត្រូវបានគេនិយាយថា បានប្រាប់ពួកគេថា រដ្ឋាភិបាលត្រូវការគាំទ្រពីគណបក្សតូចៗរហូតដល់កិច្ចប្រជុំកំពូល Apec នាខែវិច្ឆិកា បន្ទាប់មកទំនងជាមានការរំលាយសភាជាមួយនឹងការបោះឆ្នោតសកលនាដើមឆ្នាំថ្មី។
កាលពីថ្ងៃអង្គារ៍ លោកឧបនាយករដ្ឋមន្ត្រី Prawit បានទទួលស្គាល់ថា លោកបាននិយាយពីលទ្ធភាពនៃការរំលាយសភាមែន ប៉ុន្តែការនិយាយនោះគ្រាន់តែជាគំនិតផ្ទាល់ខ្លួនប៉ុណ្ណោះ។ នៅពេលនោះ រដ្ឋាភិបាលនឹងធូរស្រាល ហើយលោកគ្រាន់តែថា ការកំណត់ពេលវេលាសមស្របសម្រាប់ការបោះឆ្នោតដោយមិនមាននរណានឹងទទួលបានអត្ថប្រយោជន៍ ឬគុណវិបត្តិនោះទេ។
លោកមានប្រសាសន៍ថា ៖«ការរំលាយសភាគឺសម្រាប់លោកនាយករដ្ឋមន្ត្រីតែម្នាក់គត់ក្នុងការសម្រេចចិត្ត»។
លោកថា ៖«យើងបានពិភាក្សាគ្នា។ លោកប្រាប់ខ្ញុំថា វាជាកិច្ចការដែលលោកនាយករដ្ឋមន្ត្រីជាអ្នកធ្វើការសម្រេចចិត្ត»។
ពេលសួរថា លោកនឹងបន្តកាន់តំណែងរហូតចប់អាណត្តិ ឬត្រូវរំលាយសភា បន្ទាប់ពីកិច្ចប្រជុំ Apec? លោក ប្រាយុទ្ធ បាននិយាយថា លោកមិនឃើញមានហេតុផលដែលត្រូវនិយាយនៅពេលនេះនោះទេ។
លោក ប្រាយុទ្ធ បានលើកឡើងថា ៖«វាអាស្រ័យលើខ្ញុំជាអ្នកសម្រេច។ ហេតុអ្វីខ្ញុំត្រូវប្រាប់នរណាម្នាក់មុន? ស្ថានភាពជាកត្តាសម្រេចចិត្ត»។
«ប្រទេសរួចផុត និងជម្នះបញ្ហា ដោយសារពលរដ្ឋថៃរួមគ្នាប្រយុទ្ធរាល់មានការគំរាមកំហែង។ ប៉ុន្តែយើងឥឡូវនេះបែកបាក់គ្នាយ៉ាងខ្លាំង និងមានបញ្ហា។ ចូរយើងនាំគ្នាគិតថា តើយើងអាចធ្វើអ្វីបាន»៕
ប្រែសម្រួល៖ វីរបុត្រ
ប្រភព៖ bangkokpost
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល