មហាអំណាចប្រេងអាស៊ីមួយ ប្រកាសជ័យជម្នះលើជំងឺកូវីដ១៩

កាលពីថ្ងៃអាទិត្យ មន្ត្រីសុខាភិបាលអារ៉ាប៊ីសាអ៊ូឌីតបានប្រកាសជ័យជម្នះលើវីរុសកូរ៉ូណានិងបាននិយាយថា ជំងឺកូវីដ១៩ស្ថិតក្រោមការគ្រប់គ្រងហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះរាជាណាចក្រដែលត្រូវបានគេស្គាល់ថាជាមហាអំណាចប្រេងក្នុងតំបន់មួយនេះបានកត់ត្រាករណីឆ្លងថ្មីតែ១៣៩ករណីប៉ុណ្ណោះដែលនេះជាតួលេខក្រោម១៥០ករណីលើកដំបូងចាប់តាំងពីការរាតត្បាត ចាប់ផ្តើមកើតមាននៅក្នុងខែមីនា។

ផែនទីករណីកូវីដប្រចាំសប្តាហ៍របស់ក្រសួងសុខាភិបាលបានបង្ហាញថា តំបន់ស្ទើរតែទាំងអស់ក្នុងប្រទេសគឺបានក្លាយជា “តំបន់សុវត្ថិភាព” ពោលគឺមានករណីទាបជាង៥០ករណីក្នុងរយៈពេលមួយសប្តាហ៍កន្លងមកនេះ។

អ្នកនាំពាក្យក្រសួងលោក Mohammed Al-Abd Al-Aly បាននិយាយថា “យើងកំពុងស្ថិតក្នុងចំណោមប្រទេសដែលមានការគ្រប់គ្រងបានល្អនិងការថយចុះនៃករណីឆ្លង”។

លោកបន្តថា “ឥឡូវនេះ អារ៉ាប៊ីសាអ៊ូឌីតមានការគ្រប់គ្រងកាន់តែខ្លាំងលើជំងឺរាតត្បាត។ សមិទ្ធិផលនេះគឺដោយសារតែការប្រកាន់ខ្ជាប់របស់សហគមន៍ចំពោះវិធានការដែលបានដាក់។ វាមិនអាចធ្វើទៅបានទេបើគ្មានការសម្របសម្រួលរវាងសហគមន៍និងអាជ្ញាធរពាក់ព័ន្ធក្នុងការប្រឈមមុខនឹងជំងឺរាតត្បាតនេះដើម្បីធានាបាននូវសុខភាពនិងសុវត្ថិភាពរបស់មនុស្សគ្រប់គ្នា”។

គួរបញ្ជាក់ថា វ៉ាក់សាំងកូវីដរបស់ក្រុមហ៊ុន Pfizer-BioNTech ដំបូងបង្អស់នឹងទៅដល់ប្រទេសនេះក្នុងរយៈពេលប៉ុន្មានថ្ងៃខាងមុខហើយលោក Al-Aly បានជំរុញឲ្យមនុស្សគ្រប់គ្នាទៅរកការចាក់ថ្នាំបង្ការបើទោះបីជាពួកគេបានជាសះស្បើយពីជំងឺកូវីដ១៩ហើយក៏ដោយ៕

ប្រែសម្រួលដោយ៖ Vann Vann

ប្រភព៖ Arab News

ចុចអាន៖ ប្រទេសអាស៊ីមួយអនុញ្ញាតឲ្យប្រើប្រាស់វ៉ាក់សាំងចិន ទោះអ្នកធ្វើតេស្តមានបញ្ហាសរសៃប្រសាទ

ចុចអាន៖ ក្តៅៗ​ពី​ហាង​ឆេង​ម៉ាស​លក់នៅ​ផ្សារ​អូឡាំពិក