ព័ត៌មានអន្ដរជាតិ
ទីក្រុងមូស្គូព្រមានតម្លៃប្រេងអាចឡើងដល់៥០០ដុល្លារក្នុងមួយបារ៉ែល
តម្លៃប្រេងនឹងឡើងដល់៣០០ដុល្លារអាមេរិកក្នុង១បារ៉ែល ប្រសិនបើប្រទេសលោកខាងលិចបោះបង់ចោលប្រេងរុស្ស៊ី។ នេះបើតាមឧបនាយករដ្ឋមន្ត្រី និងជាអតីតរដ្ឋមន្ត្រីក្រសួងថាមពល លោក Alexander Novak បាននិយាយនៅថ្ងៃចន្ទម្សិលមិញ និងបានបន្ថែមថា អ្នកខ្លះមើលឃើញថា តម្លៃអាចឡើងដល់៥០០ដុល្លារអាមេរិកក្នុងមួយបារ៉ែល។
ការព្រមានបែបនេះបានកើតមានឡើងនៅពេលសហភាពអឺរ៉ុបគ្រោងពិភាក្សាគ្នាអំពីការដាក់ទណ្ឌកម្មលើប្រេងឆៅរុស្ស៊ី ដែលជាផ្នែកមួយនៃការដាក់ទណ្ឌកម្មទី៥មានគោលដៅដាក់សម្ពាធបន្ថែមទៀតលើទីក្រុងមូស្គូដើម្បីឲ្យបញ្ឈប់ការវាយប្រហារនៅអ៊ុយក្រែន។
លោក Novak បានបន្ថែមថា ប្រសិនបើអ្នកប្រើប្រាស់លោកខាងលិចឈប់ទិញប្រេងឆៅរបស់រុស្ស៊ី ប្រទេសនេះនឹងធ្វើពិពិធកម្មការផ្គត់ផ្គង់របស់ខ្លួន ហើយនឹងស្វែងរកអ្នកទិញនៅកន្លែងផ្សេង។
តម្លៃប្រេងបានកើនឡើងជិត៤ដុល្លារអាមេរិកក្នុងមួយបារ៉ែលកាលពីថ្ងៃចន្ទ ក្នុងនោះប្រេង Brent ឡើងដល់១១២ដុល្លារ ខណៈតាមការរំពឹងទុកថា សហភាពអឺរ៉ុបប្រហែលជាចូលរួមជាមួយសហរដ្ឋអាមេរិកក្នុងការហាមនាំចូលប្រេងឆៅពីរុស្ស៊ី។
ទន្ទឹមជាមួយគ្នានេះ លោកនាយករដ្ឋមន្ត្រីហុល្លង់ Mark Rutte បានហៅការហ៊ុំព័ទ្ធបែបនេះថា មិនប្រាកដនិយម ដោយចង្អុលបង្ហាញថា ប្រទេសនៅអឺរ៉ុបនៅតែត្រូវពឹងលើប្រេង និងឧស្ម័នរុស្ស៊ីច្រើនដដែល ហើយមិនអាចកាត់ផ្តាច់ខ្លួនដោយគ្រាន់តែជូនដំណឹងរយៈពេលខ្លីនោះទេ។
លោក Rutte បាននិយាយកាលពីថ្ងៃចន្ទថា ៖«រោងចក្រចម្រាញ់ប្រេងជាច្រើននៅភាគខាងកើត និងខាងលិចនៃទ្វីបអឺរ៉ុបនៅតែពឹងផ្អែកទាំងស្រុងលើប្រេងរបស់រុស្ស៊ី ហើយជាមួយនឹងឧស្ម័ន វាកាន់តែអាក្រក់ទៅ៕
ប្រែសម្រួល៖ វីរបុត្រ
ប្រភព៖ RT
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល