ព័ត៌មានអន្ដរជាតិ

រុស្ស៊ី ហាម Facebook និង IG មិនឲ្យប្រើក្នុងប្រទេស ដោយចាត់ទុកថា ជា “បណ្ដាញជ្រុលនិយម”

បានផុស

៤ years មុន

នៅ

ថ្ងៃអង្គារ ២២ មីនា ២០២២

ដោយ

តុលាការរុស្ស៊ី បានហាមឃាត់ការប្រើប្រាស់ Facebook និង Instagram ក្នុងប្រទេស ដោយបញ្ជាក់ថា ក្រុមហ៊ុនយក្សរបស់សហរដ្ឋអាមេរិក Meta Platforms Inc ដែលជាម្ចាស់នៃវេទិកាប្រព័ន្ធផ្សព្វផ្សាយសង្គមពីរនេះ គឺ ជា”បណ្ដាញជ្រុលនិយម”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយក្នុងស្រុករបស់រុស្ស៊ី បានរាយការណ៍ថា ការិយាល័យរដ្ឋអាជ្ញា កំពុងមានចំណាត់ការផ្លូវច្បាប់ ក្នុងគោលបំណងការពារជនជាតិរុស្ស៊ី ពី “ការរំលោភសិទ្ធិ” តែប៉ុណ្ណោះ។

ក្រុមហ៊ុន Meta បានបំពានច្បាប់របស់ខ្លួន ដោយអនុញ្ញាតឲ្យបង្ហោះសារហិង្សាប្រឆាំងនឹងយោធារុស្ស៊ី។ ជាពិសេស គឺមិនអើពើនឹងសំណើសម្រាប់ការដកចេញនូវព័ត៌មានមិនពិត អំពីប្រតិបត្តិការយោធាពិសេសរបស់រុស្ស៊ី និងសារដែលទាមទារឲ្យរៀបចំការប្រមូលផ្ដុំគ្នា ដោយគ្មានការអនុញ្ញាត ។

ទន្ទឹមនឹងនេះដែរ Meta ក៏ត្រូវបានហាមឃាត់ មិនឲ្យធ្វើអាជីវកម្មនៅក្នុងប្រទេសរុស្ស៊ីផងដែរ។ ការិយាល័យរដ្ឋអាជ្ញា និងការិយាល័យសន្តិសុខកណ្ដាលនៃប្រទេស បានមើលឃើញជំហររបស់ក្រុមហ៊ុននេះ គឺប្រឆាំងនឹងរុស្ស៊ី និងកងកម្លាំងរបស់ខ្លួនជាខ្លាំង៕

ប្រែសម្រួល៖ សាង ស្រីល័ក្ខ

ប្រភព៖ AFP

ចុចអាន៖អ្នកប្រដាល់ MMA ម្នាក់ ចង់វាយមុខលោក Mark Zuckerberg (មានវីដេអូ)