ព័ត៌មានអន្ដរជាតិ

រដ្ឋមន្ត្រីការបរទេសជាស្ត្រីដំបូងរបស់អាមេរិកទទួលមរណភាពក្នុងវ័យ៨៤ឆ្នាំ

បានផុស

៤ years មុន

នៅ

ថ្ងៃព្រហស្បតិ៍ ២៤ មីនា ២០២២

ដោយ

លោកស្រី Madeleine Albright ដែលបានទៅសហរដ្ឋអាមេរិកជាកុមារីភៀសខ្លួនម្នាក់ និងរីកចម្រើនរហូតក្លាយជារដ្ឋមន្ត្រីក្រសួងការបរទេសជាស្ត្រីដំបូងរបស់សហរដ្ឋអាមេរិកបានទទួលមរណភាពក្នុងវ័យ៨៤ឆ្នាំ។

ត្រូវបានជ្រើសតាំងដោយប្រធានាធិបតី Bill Clinton ជាឯកអគ្គរដ្ឋទូតអាមេរិកប្រចាំអង្គការសហប្រជាជាតិ និងបន្ទាប់មកបានក្លាយជាមន្ត្រីការទូតកំពូលរបស់អាមេរិក លោកស្រី Albright ជាស្ត្រីរដ្ឋដ៏មានឥទ្ធិពលបំផុតម្នាក់ក្នុងសម័យកាលរបស់លោកស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកាន់ទុក្ខចំពោះមរណភាពរបស់លោកស្រី លោក Clinton បាននិយាយថា ៖«លោកស្រី Albright ជាកម្លាំងមួយដើម្បីសេរីភាព ប្រជាធិបតេយ្យ និងសិទ្ធិមនុស្ស» និងបានហៅការស្លាប់របស់លោកស្ត្រីគឺជាការបាត់បង់ធនធានមនុស្សទូទាំងពិភពលោក។

ជាមួយគ្នានេះ លោកប្រធានាធិបតីអាមេរិកបច្ចុប្បន្ន ចូ បៃដិន បាននិយាយថា ៖«លោកស្រី Albright បានបង្វែរជំនោរនៃប្រវត្តិសាស្ត្រ។ លោកស្រីប្រឆាំងនឹងអនុសញ្ញ និងបំបែករនាំងម្តងហើយម្តងទៀត»។

នៅអង្គការសហប្រជាតិ ក្រុមប្រឹក្សាសន្តិសុខបានធ្វើការគោរពដល់លោកស្រីតាមរយៈភាពស្ងប់ស្ងាត់មួយសន្ធុះមុនពេលបោះឆ្នោតលើដំណោះស្រាយមួយដឹកនាំដោយរុស្ស៊ីលើអ៊ុយក្រែន។

លោក Clinton ដែលបានប្រកាសពីការជ្រើសរើសរបស់លោកចំពោះ Albright ឲ្យក្លាយជារដ្ឋមន្ត្រីក្រសួងការបរទេសនៅឆ្នាំ១៩៩៧ បាននិយាយថា ៖«យេនឌ័រមិនមែនជាឧបសគ្គសម្រាប់លោកស្រីក្នុងការទទួលបានការងារ ហើយលោកស្រីជាបេក្ខភាពដ៏គុណសម្បត្តិបំផុត»។

ប្រសូតនៅតំបន់ Marie Jana Korbelova អតីតឆេកូស្លូវ៉ាគី នៅថ្ងៃទី១៥ ខែឧសភា ឆ្នាំ១៩៣៧ លោកស្រី Albright បានទៅសហរដ្ឋអាមេរិកក្នុងនាមជាជនភៀសខ្លួនជាមួយក្រុមគ្រួសារនៅឆ្នាំ១៩៤៨ និងបានក្លាយជាពលរដ្ឋអាមេរិកនៅឆ្នាំ១៩៥៧៕

ប្រែសម្រួល៖ វីរបុត្រ
ប្រភព៖ AFP

Related Topics:សហរដ្ឋអាមេរិក