អ៊ុយក្រែន ត្រៀមខ្លួន​ពិភាក្សា​ អំពី​ការ​អនុម័ត​ឋានៈ​អព្យាក្រឹត តែមានលក្ខខណ្ឌចំនួន ២ (មានវីដេអូ)

នៅក្នុងបទសម្ភាសន៍រយៈពេល៩០នាទីរបស់ប្រធានាធិបតីអ៊ុយក្រែនជាមួយប្រព័ន្ធផ្សព្វផ្សាយរុស្ស៊ី លោក Volodymyr Zelensky និយាយថា ជាផ្នែកនៃកិច្ចព្រមព្រៀងសន្តិភាពជាមួយរុស្ស៊ី អ៊ុយក្រែនបានត្រៀមលក្ខណៈដើម្បីពិភាក្សាអំពីការអនុម័តឋានៈអព្យាក្រឹត ប៉ុន្តែមានលក្ខខណ្ឌចំនួន២។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លក្ខខណ្ឌទី១គឺថា ខ្លួននឹងត្រូវតែធានាដោយភាគីទីបី និង លក្ខខណ្ឌទី២គឺ បញ្ហានេះនឹងដាក់ឲ្យធ្វើប្រជាមតិ។

លោកបាននិយាយនៅក្នុង video call ថា “ការធានាសុវត្ថិភាព និងអព្យាក្រឹតភាព ដែលជាស្ថានភាពមិនមាននុយក្លេអ៊ែរនៃរដ្ឋរបស់យើង។ យើងត្រៀមខ្លួនរួចជាស្រេចដើម្បីស្វែងរកវា។ នេះគឺជាចំណុចសំខាន់បំផុត”។

មេដឹកនាំអ៊ុយក្រែនរូបនេះបានបន្ថែមថា ការវាយលុករបស់រុស្ស៊ី បានបណ្តាលឲ្យមានការបំផ្លិចបំផ្លាញទីក្រុងដែលនិយាយភាសារុស្ស៊ី នៅក្នុងប្រទេសអ៊ុយក្រែន។

Reuters បានដកស្រង់សម្តីលោក Zelensky ដែលបាននិយាយថា ការប្រើប្រាស់ភាសារុស្សីនៅប្រទេសអ៊ុយក្រែន គឺជាអ្វីដែលត្រូវបានលើកយកមកពិភាក្សាក្នុងអំឡុងពេលកិច្ចចរចាសន្តិភាពរវាងអ៊ុយក្រែន និងរុស្ស៊ី។ ប៉ុន្តែ​លោក​បន្ថែមថា អ៊ុយក្រែន​បាន​បដិសេធ​ ​ពិភាក្សា​អំពី​ការទាមទារ​របស់​រុស្ស៊ី​ផ្សេងទៀត ដូចជា​ការ​រំសាយ​កងទ័ព​អ៊ុយក្រែនជាដើម៕

សូមទស្សនាវីដេអូ៖

ប្រែសម្រួល៖​ Vann Vann

ប្រភព៖ BBC

ចុចអាន៖ Zelenskyy ស្តីបន្ទោសលោកខាងលិច ដែលមិនផ្តល់យន្តហោះចម្បាំងឲ្យ អ៊ុយក្រែន