ប្រទេស ណាតូ មួយនេះនឹងឈប់ប្រើប្រេង រុស្ស៊ី ក្រោយព្រមានឲ្យនៅឆ្ងាយពី សង្គ្រាម អ៊ុយក្រែន

នាយករដ្ឋមន្ត្រីប៉ូឡូញលោក Mateusz Morawiecki បាននិយាយថា ប្រទេសរបស់លោកគ្រោងនឹងបញ្ឈប់ការប្រើប្រាស់ប្រេងពីរុស្ស៊ីនៅចុងឆ្នាំ ២០២២ នេះ ។

លោកបញ្ជាក់ទៀតថា ប្រទេសប៉ូឡូញក៏នឹងបញ្ឈប់ការនាំចូលធ្យូងថ្មពីរុស្ស៊ីនៅខែឧសភាផងដែរ ខណៈដែលប្រទេសនេះកាត់បន្ថយទំនាក់ទំនងសេដ្ឋកិច្ចជាមួយទីក្រុងមូស្គូ ។

លោក Mateusz Morawiecki បានប្រាប់សន្និសីទសារព័ត៌មានមួយថា “យើងនឹងដាក់ទណ្ឌកម្មទាំងស្រុងលើធ្យូងថ្មរបស់រុស្ស៊ី ហើយខ្ញុំសង្ឃឹមថា ត្រឹមខែមេសា និងចុងខែឧសភា យើងនឹងបញ្ឈប់ការនាំចូលធ្យូងថ្មទាំងស្រុងពីរុស្ស៊ី ហើយយើងនឹងធ្វើអ្វីគ្រប់យ៉ាងដើម្បីបញ្ឈប់ការប្រើប្រាស់ប្រេងរុស្ស៊ីនៅចុងឆ្នាំនេះ” ។

គួរបញ្ជាក់ថា នេះជាការឆ្លើយតបទៅកាន់រុស្ស៊ីវិញ បន្ទាប់ពីបានព្រមានប៉ូឡូញដែលជាប្រទេសអង្គការណាតូមួយផងដែរ កុំឲ្យលូកដៃ ឬជ្រៀតជ្រែក ជាពិសេសនៅឲ្យឆ្ងាយពីសង្គ្រាមរបស់ខ្លួនជាមួយនឹងប្រទេសអ៊ុយក្រែនដែលកំពុងបន្ត ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ រុស្ស៊ី ព្រមាន ប្រទេស ណាតូមួយនេះនៅឲ្យឆ្ងាយពីសង្គ្រាម អ៊ុយក្រែន

ចុចអាន ៖ អ៊ុយក្រែន ប្រាប់ទំហំទឹកប្រាក់ខាតបង់សេដ្ឋកិច្ចពីការលុកលុយរបស់ រុស្ស៊ី