ព័ត៌មានអន្ដរជាតិ
២ប្រទេសទៀត ស្នើសុំចូល ណាតូ ស្របពេលសង្គ្រាម ផ្ទុះនៅ អ៊ុយក្រែន (មានវីដេអូ)
នៅពេលដែលឥទ្ធិពលរបស់រុស្ស៊ីកើនឡើងក្នុងតំបន់បាល់កង់ខាងលិច និងសង្រ្គាមនៅអ៊ុយក្រែន មេដឹកនាំកូសូវ៉ូ និងបូស្នៀ បាននិយាយថា ការចូលរួមជាមួយអង្គការណាតូ នឹងជួយការពារសន្តិសុខក្នុងតំបន់។
ចាប់តាំងពីថ្ងៃទី២៤ខែកុម្ភៈមក នៅពេលដែលលោកប្រធានាធិបតី វ្ល៉ាឌីមៀរ ពូទីន ចាប់ផ្តើមការលុកលុយយ៉ាងពេញទំហឹងលើអ៊ុយក្រែន ដោយលើកឡើងពីការប្រឆាំងរបស់រុស្ស៊ីចំពោះសមាជិកភាពណាតូដ៏មានសក្តានុពលរបស់អ៊ុយក្រែន ថាជាកង្វល់ដ៏ធំនោះ, មានការភ័យខ្លាចយ៉ាងខ្លាំងថា វិបត្តិអាចរីករាលដាលដល់តំបន់បាល់កង់ខាងលិច។
សកម្មភាពរបស់រុស្ស៊ីនៅតំបន់បាល់កង់ខាងលិច ត្រូវបានចងក្រងជាឯកសារអស់រយៈពេលជាច្រើនឆ្នាំមកហើយ ហើយរួមបញ្ចូលទាំងការប៉ុនប៉ងធ្វើរដ្ឋប្រហារនៅម៉ុងតេណេហ្គ្រោ និងម៉ាសេដូនីខាងជើងផងដែរ មុនពេលប្រទេសទាំង២ ចូលជាសមាជិកណាតូ។
សម្រាប់ប្រទេសបូស្នៀ និងកូសូវ៉ូ ដោយបានឆ្លងកាត់ការសម្លាប់រង្គាលដែលប្រព្រឹត្តឡើងដោយកងកម្លាំងស៊ែប៊ីក្នុងទសវត្សរ៍ឆ្នាំ ១៩៩០ ក្រោមការគ្រប់គ្រងរបស់អតីតប្រធានាធិបតី Slobodan Milosevic, ការចូលរួមជាមួយសម្ព័ន្ធភាពយោធាឆ្លងមហាសមុទ្រអាត្លង់ទិកដឹកនាំដោយសហរដ្ឋអាមេរិកនេះ បានក្លាយជាគោលដៅយុទ្ធសាស្ត្ររបស់ពួកគេ។
បច្ចុប្បន្ន បូស្នៀកំពុងចូលរួមក្នុងផែនការសកម្មភាពសមាជិកភាព (MAP) ដែលត្រូវបានគេមើលឃើញថា ជាជំហានចុងក្រោយមុនពេលទទួលបានសមាជិកភាពណាតូ។ នេះបើយោងតាមរដ្ឋមន្ត្រីការពារជាតិបូស្នៀលោក Sifet Podzic។
ប៉ុន្តែដូចជាទីក្រុង កៀវ ដែរ, ទីក្រុងមូស្គូបានតវ៉ាប្រឆាំងនឹងការប៉ុនប៉ងចូលណាតូរបស់ទីក្រុង Sarajevo ទោះបីទីតាំងទាំង២ មានចម្ងាយពីគ្នា ២៤០០ គីឡូម៉ែត្រ ក៏ដោយ។
ស្ថានទូតរុស្ស៊ីនៅទីក្រុង Sarajevo បានព្រមានកាលពីឆ្នាំមុនថា ក្រុងមូស្គូ នឹងប្រតិកម្មចំពោះទង្វើអរិភាពនេះ ប្រសិនបើបូស្នៀចាត់វិធានការឆ្ពោះទៅរកសមាជិកភាពអង្គការណាតូ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ប្រធានាធិបតីអ៊ុយក្រែន សួររកសន្តិភាពនៅ ក្រុមប្រឹក្សាសន្តិសុខអង្គការសហប្រជាជាតិ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ