អាមេរិក មើលឃើញរួចហើយថា អ្នកណានឹងឈ្នះសង្គ្រាម រុស្ស៊ី-អ៊ុយក្រែន (មានវីដេអូ)

អ្នកនាំពាក្យមន្ទីរបញ្ចកោណ លោក John Kirby បានប្រាប់សន្និសីទសារព័ត៌មាននៅថ្ងៃព្រហស្បតិ៍ទី០៧ខែមេសានេះថា ប្រទេសអ៊ុយក្រែនអាចឈ្នះទាំងស្រុង ក្នុងសង្គ្រាមជាមួយរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kirby និយាយថា “ពិតណាស់ ពួកគេអាចឈ្នះសង្គ្រាមនេះ។ ភស្តុតាង គឺជាលទ្ធផលដែលអ្នកកំពុងឃើញជារៀងរាល់ថ្ងៃ។ ពួកគេពិតជាអាចឈ្នះ”។

លោក Kirby ក៏បាននិយាយដែរថា ការដកទ័ពរបស់រុស្ស៊ីចេញពីតំបន់ទីក្រុង កៀវ និង Chernihiv ឥឡូវនេះបានបញ្ចប់ហើយ។

មន្ត្រីមន្ទីរបញ្ចកោណបានប្រាប់អ្នកយកព័ត៌មានថា “កងកម្លាំងរុស្ស៊ីនៅជិតទីក្រុង កៀវ និង Chernihiv បានដកចេញទាំងស្រុងពីតំបន់នេះ ដើម្បីបង្រួបបង្រួម និងបំពាក់អាវុធជាថ្មីនៅក្នុងប្រទេសបេឡារុស និងរុស្ស៊ី។ យើងមិនឃើញកងកម្លាំងរុស្ស៊ីនៅក្នុង ឬជុំវិញទីក្រុងកៀវ ឬក្នុង ឬជុំវិញទីក្រុង Chernihiv នោះទេ។ លោកបន្ថែមថា ប្រធានា​ធិបតីរុស្ស៊ី លោក វ្ល៉ាឌីមៀរ ពូទីន មិនបានសម្រេចគោលដៅយុទ្ធសាស្ត្ររបស់គាត់ឡើយ។ គាត់ពិតជាបានគ្រប់គ្រងទីតាំងមានប្រជាជនតិចៗមែន ប៉ុន្តែពួកគេមិនបានយកទីក្រុង Kharkiv បានទេ”។

ការអត្ថាធិប្បាយរបស់លោក Kirby បានកើតឡើង ស្របពេលដែលរដ្ឋមន្ត្រីការបរទេសអាមេរិកលោក Antony Blinken បានអះអាងថា សហរដ្ឋអាមេរិកនឹងបន្តគាំទ្រអ៊ុយក្រែនក្នុងសង្រ្គាមកំពុងបន្តជាមួយរុស្ស៊ី ដែលឥឡូវនេះបានឈានចូលដល់សប្តាហ៍ទីប្រាំមួយហើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ អាមេរិកអះអាងថា រុស្ស៊ី ដកទ័ពចេញពីទីក្រុង Kyiv និង Chernihiv អស់ហើយ