Connect with us

ព័ត៌មានអន្ដរជាតិ

អាមេរិកអះអាងថា រុស្ស៊ី ដកទ័ពចេញពីទីក្រុង Kyiv និង Chernihiv អស់ហើយ (មានវីដេអូ)

បានផុស

នៅ

មន្ត្រីក្រសួងការពារជាតិអាមេរិកបាននិយាយថា ការដកទ័ពរបស់រុស្ស៊ីចេញពីតំបន់ទីក្រុង Kyiv និង Chernihiv ឥឡូវនេះបានបញ្ចប់ហើយ។

Blasts are heard in Kyiv and Kharkiv and apartment building in city of  Chernihiv is hit by missile | Daily Mail Online

មន្ត្រីមន្ទីរបញ្ចកោណបានប្រាប់អ្នកយកព័ត៌មានកាលពីថ្ងៃពុធទី០៦ខែមេសាថា “កងកម្លាំងរុស្ស៊ីនៅជិតទីក្រុង Kyiv និង Chernihiv បានដកចេញទាំងស្រុងពីតំបន់នេះ ដើម្បីបង្រួបបង្រួម និងបំពាក់អាវុធជាថ្មីនៅក្នុងប្រទេសបេឡារុស និងរុស្ស៊ី”។

អ្នកនាំពាក្យមន្ទីរបញ្ចកោណលោក John Kirby បានបន្ថែមថា “យើងមិនឃើញកងកម្លាំងរុស្ស៊ីនៅក្នុង ឬជុំវិញទីក្រុង Kyiv ឬក្នុង ឬជុំវិញទីក្រុង Chernihiv នោះទេ។ លោកបន្ថែមថា ប្រធានា​ធិបតីរុស្ស៊ី លោក វ្ល៉ាឌីមៀរ ពូទីន មិនបានសម្រេចគោលដៅយុទ្ធសាស្ត្ររបស់គាត់ឡើយ។ គាត់ពិតជាបានគ្រប់គ្រងទីតាំងមានប្រជាជនតិចៗមែន ប៉ុន្តែគាត់មិនអាចយកទីក្រុង Kharkiv បានទេ”។

This image has an empty alt attribute; its file name is images-2.webp
អ្នកនាំពាក្យមន្ទីរបញ្ចកោណលោក John Kirby

គួរបញ្ជាក់ថា ការដកទ័ពនេះកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីប្រទេសរុស្ស៊ីប្រកាសថា ខ្លួននឹងផ្តោតកិច្ចខិតខំប្រឹងប្រែងរបស់ខ្លួនលើតំបន់ Donbas ភាគខាងកើត អ៊ុយក្រែន វិញ។

មន្ត្រីជាន់ខ្ពស់មន្ទីរបញ្ចកោណ ដែលនិយាយក្នុងលក្ខខណ្ឌមិនបញ្ចេញឈ្មោះ បានលើកឡើងថា ទាហានរុស្ស៊ីអាចនឹងធ្វើដំណើរត្រឡប់ទៅទីក្រុង Kyiv វិញនាពេលអនាគត ហើយថា ខ្លួននៅតែមិនច្បាស់ថាតើកងទ័ពដែលដកថយ នឹងត្រឡប់មកវិញឬយ៉ាងណា៕

សូមទស្សនាវីដេអូ

ប្រែសម្រួល៖ Vann Vann

ប្រភព៖ BBC

ចុចអាន៖ មកស្គាល់កូនស្រីទាំង២នាក់ របស់លោក ពូទីន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម