លោក Biden មិនមានគម្រោងទៅទីក្រុងកៀវជួបជាមួយលោក Zelensky ឡើយ

អ្នកនាំពាក្យសេតវិមានលោកស្រី Jen Psaki បាននិយាយថា លោកប្រធានាធិបតីអាមេរិក Joe Biden មិនមានគម្រោងទៅបំពេញទស្សនកិច្ចនៅទីក្រុងគៀវ ដើម្បីជួបជាមួយលោក Volodymyr Zelensky របស់ប្រទេសអ៊ុយក្រែននោះទេ ។

រឿងនេះកើតឡើង បន្ទាប់ពីប្រធានាធិបតីអ៊ុយក្រែនលោក Volodymyr Zelensky បានអះអាងថា លោក Biden គួរតែទៅបំពេញទស្សនកិច្ចនៅអ៊ុយក្រែន ពីព្រោះគាត់គឺជា “មេដឹកនាំសហរដ្ឋអាមេរិក” ។

អ្នកនាំពាក្យសេតវិមានលោកស្រី Jen Psaki បានប្រាប់អ្នកយកព័ត៌មានថា “ខ្ញុំសូមជូនដំណឹងម្តងទៀត ​គឺគ្មាន​ផែនការ​សម្រាប់លោក​ប្រធានាធិបតី​ទៅ​ទីក្រុងកៀវនោះទេ” ។

ជាចុងក្រោយលោកស្រីបញ្ជាក់ថា មេដឹកនាំអឺរ៉ុបជាច្រើននាក់រួមទាំងនាយករដ្ឋមន្ត្រីអង់គ្លេសលោក Boris Johnson បានធ្វើដំណើរទៅកាន់ទីក្រុងកៀវរួចហើយ ហើយក៏បានជួបជាមួយប្រធានាធិបតីអ៊ុយក្រែនផងដែរ  ដូច្នេះវាអាចចាត់ទុកថាដំណើរនេះគឺតំណាងសហរដ្ឋអាមេរិកហើយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មកស្គាល់មេដឹកនាំល្បីៗជាប់ឈ្មោះជា “ឧក្រិដ្ឋជនសង្គ្រាម” ក្នុងនោះក៏មាន ប៉ុល ពត ដែរ