UN បញ្ជាក់ពីចំនួនជនស៊ីវិលស្លាប់ និងរបួសនៅ អ៊ុយក្រែន

ស្ថាប័នសិទ្ធិមនុស្សរបស់អង្គការសហប្រជាជាតិ បានបញ្ជាក់ពីការស្លាប់ និងរបួសរបស់ជនស៊ីវិលសរុប ៤៨៩០ នាក់នៅក្នុងប្រទេសអ៊ុយក្រែន ចាប់តាំងពីការលុកលុយរបស់រុស្ស៊ី ចាប់ផ្តើមនៅថ្ងៃទី ២៤ ខែកុម្ភៈ។

តួលេខចុងក្រោយរបស់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) បង្ហាញថា មនុស្សចំនួន ២០៧២ នាក់បានស្លាប់ និង ២៨១៨ នាក់រងរបួស។

យោងតាមសេចក្តីថ្លែងការណ៍របស់ OHCHR, “ជនស៊ីវិលរងគ្រោះភាគច្រើន គឺបណ្តាលមកពីការប្រើប្រាស់អាវុធជាតិផ្ទុះដែលប៉ះពាល់ធំធេងក្នុងតំបន់ រួមទាំងការបាញ់ផ្លោងពីកាំភ្លើងធំធុនធ្ងន់ និងប្រព័ន្ធបាញ់គ្រាប់រ៉ុក្កែតជាច្រើន និងការវាយប្រហារដោយមីស៊ីល និងពីអាកាសផងដែរ។

យ៉ាងណាក្តី OHCHR បានបន្ថែមថា ចំនួនជនរងគ្រោះពិតប្រាកដ ប្រហែលជាខ្ពស់ជាងនេះ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អ៊ុយក្រែន បាញ់ផ្លោងចូលភូមិរុស្ស៊ីមានប្រជាជន ជាង ៤៧០០ នាក់