ព័ត៌មានអន្ដរជាតិ
តួលេខស្លាប់ដោយកូវីដនៅចិនកើនឡើង ខណៈទីក្រុងប៉េកាំងព្រមានស្ថានភាពធ្ងន់ធ្ងរ
កាលពីថ្ងៃអាទិត្យ ទី២៤ ខែមេសា ទីក្រុងសៀងហៃ ប្រទេសចិន បានរាយការណ៍ពីករណីស្លាប់ដោយជំងឺកូវីដ- ១៩ចំនួន៣៩នាក់បន្ថែមទៀត ដែលជាតួលេខស្លាប់ប្រចាំថ្ងៃខ្ពស់បំផុតគិតចាប់តាំងពីប្រទេសចិនបានដាក់បំរាមបិទខ្ទប់ក្នុងរយៈពេលមួយសប្តាហ៍ពេញចុងក្រោយនេះ។
ស្របពេលជាមួយគ្នានេះ ទីក្រុងប៉េកាំងបានព្រមានពីស្ថានភាពធ្ងន់ធ្ងរដោយសារតែការឆ្លងកំពុងកើនឡើង។
ខណ្ឌដែលមានប្រជាជនរស់នៅច្រើនបំផុតភាគខាងកើតទីក្រុងប៉េកាំង Chaoyang បាននិយាយថា ខ្លួននឹងពង្រីកការធ្វើតេស្ត។ អ្នករាល់គ្នាដែលរស់នៅ ឬកំពុងធ្វើការនៅក្នុងខណ្ឌនេះត្រូវតែធ្វើតេស្តរកកូវីដ-១៩ចំនួន៣លើកក្នុងសប្តាហ៍។
មជ្ឈមណ្ឌលពាណិជ្ជកម្មនៃទីក្រុងសៀងហៃត្រូវបានដាក់បំរាមបិទខ្ទប់ស្ទើរតែទាំងស្រុងហើយតាំងពីចាប់ផ្តើមខែមេសានេះ ដែលបានធ្វើឲ្យចង្វាក់ផ្គត់ផ្គង់ជួបការលំបាក ហើយអ្នកស្រុកជាច្រើនជាប់ក្នុងផ្ទះរយៈពេលយូរដែលបានក្លាយជាមណ្ឌលនៃការផ្ទុះកូវីដ។
ទីក្រុងធំបំផុតរបស់ចិនមួយនេះទើបតែបានប្រកាសពីករណីស្លាប់ដោយកូវីដ-១៩លើកដំបូងកាលពីថ្ងៃទី១៨ ខែមេសា បើទោះបីជាមានករណីឆ្លងថ្មីរាប់រយនាក់ក្នុងមួយៗថ្ងៃប៉ុន្មានសប្តាហ៍ចុងក្រោយនេះ។
ទិន្នន័យរបស់គណកម្មការសុខភាពជាតិចិនបានបង្ហាញថា ចិនបានរាយការណ៍ពីករណីស្លាប់ចំនួន៣៩នាក់បន្ថែមទៀតដែលសរុបមានចំនួន៨៧នាក់កាលពីថ្ងៃអាទិត្យ ខណៈករណីឆ្លងថ្មីជិត២២០០០នាក់។
តួលេខស្លាប់ច្រើនបំផុតក្នុងមួយថ្ងៃរបស់ទីក្រុងសៀងហៃគឺកាលពីថ្ងៃចន្ទមានចំនួន១២នាក់។
ទីក្រុងដែលមានប្រជាជន២៥លាននាក់កំពុងជួបការលំបាកក្នុងការផ្គត់ផ្គង់អាហារទៅអ្នកដែលជាប់ក្នុងផ្ទះយូរ ខណៈអ្នកជំងឺត្រូវបានគេរាយការណ៍ថា ពិបាកក្នុងការទៅមន្ទីរពេទ្យដើម្បីព្យាបាល ហើយបុគ្គលិកសុខាភិបាលរាប់ពាន់នាក់ត្រូវបានដាក់ពង្រាយដើម្បីធ្វើតេស្ត និងព្យាបាលអ្នកជំងឺកូវីដ៕
ប្រែសម្រួល៖ វីរបុត្រ
ប្រភព៖ AFP
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង