ព័ត៌មានអន្ដរជាតិ

អាមេរិកមិនយល់ ហេតុអ្វីឥណ្ឌូណេស៊ី អញ្ជើញលោក ពូទីន ចូលរួមប្រជុំ G20

បានផុស

៤ years មុន

នៅ

ថ្ងៃសៅរ៍ ៣០ មេសា ២០២២

ដោយ

ប្រទេសឥណ្ឌូណេស៊ីបានប្រឈមនឹងការប្រឆាំងរបស់សហរដ្ឋអាមេរិក និងបានអញ្ជើញប្រធានាធិបតីរុស្ស៊ី លោក វ្លាឌីមៀរ ពូទីន ដើម្បីចូលរួមកិច្ចប្រជុំកំពូលនៃប្រទេស G20 នាខែវិច្ឆិកា ព្រមទាំងប្រធានាធិបតីអ៊ុយក្រែន លោក Volodymyr Zelenskyy ទៀតផង។ នេះបើតាមលោកប្រធានាធិបតី Joko Widodo មានប្រសាសន៍កាលពីថ្ងៃសុក្រ ទី២៩ ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុងហ្សាការតា ដែលគ្រោងនឹងរៀបចំកិច្ចប្រជុំប្រធានាធិបតីកំពូល G20 ក្នុងឆ្នាំនេះ ស្ថិតក្រោមសម្ពាធធ្ងន់ធ្ងរពីបណ្តាប្រទេសលោកខាងលិចដែលដឹកនាំដោយសហរដ្ឋអាមេរិក លើកលែងតែប្រទេសរុស្ស៊ី បន្ទាប់ពីការវាយប្រហារលើប្រទេសអ៊ុយក្រែន ប៉ុន្តែឥណ្ឌូណេស៊ីបានប្រកែកថា ខ្លួនត្រូវតែរក្សាដោយមិនលម្អៀង។

«ខ្ញុំបានអញ្ជើញលោកប្រធានាធិបតី Zelenskyy ចូលរួមកិច្ចប្រជុំកំពូល G20»។ លោកប្រធានាធិបតីឥណ្ឌូណេស៊ី Widodo មានប្រសាសាន៍ និងលើកឡើងថា ការសម្របសម្រួលមួយត្រូវបានឈានដល់ បន្ទាប់ពីសម្ពាធពីលោកប្រធានាធិបតីអាមេរិក ចូ បៃដិន និងអ្នកផ្សេងទៀតដើម្បីអនុញ្ញាតឲ្យមានការចូលរួមរបស់អ៊ុយក្រែនដើម្បីធ្វើឲ្យមានតុល្យភាព។

មេដឹកនាំឥណ្ឌូណេស៊ី បាននិយាយក្នុងសុន្ទករថាផ្សាយផ្ទាល់តាមអនឡាញមួយថា លោក ពូទីន បានបញ្ជាក់ក្នុងការហៅទូរសព្ទជាមួយលោកថា លោកនឹងចូលរួមកិច្ចប្រជុំកំពូលដែលគ្រោងនឹងធ្វើនៅកោះបាលី។

តាមពិតទៅ ប្រទេសរុស្ស៊ីជាសមាជិក G20 ប៉ុន្តែប្រទេសអ៊ុយក្រែនមិនមែនជាសមាជិកទេ។ រដ្ឋបាលរបស់លោក ចូ បៃដិន បានធ្វើការបញ្ជាក់ច្បាស់ពីទស្សនៈរបស់ខ្លួនជុំវិញការអញ្ជើញលោក ពូទីន កាលពីថ្ងៃសុក្រ។

រដ្ឋមន្ត្រីទទួលបន្ទុកសារព័ត៌មាននៅសេតវិមាន លោកស្រី Jen Psaki បាននិយាយនៅទីក្រុងវ៉ាស៊ីនតោនថា ៖«លោកប្រធានាធិបតីបានបង្ហាញជាសាធារណៈរួចហើយពីការជំទាស់របស់លោកទាក់ទឹងនឹងការចូលរួមរបស់លោកប្រធានាធិបតី ពូទីន នៅ G20។ យើងខ្ញុំស្វាគមន៍ការចូលរួមរបស់អ៊ុយក្រែន»។

«យើងខ្ញុំបានបង្ហាញពីទស្សនៈរបស់យើងហើយថា យើងមិនគិតថា រុស្ស៊ីគួរជាផ្នែកមួយនៃកិច្ចប្រជុំទាំងសាធារណៈ និងឯកជនទេ»។ លោកស្រីបានប្រាប់អ្នកកាសែត និងបន្ថែមថា ទីក្រុងវ៉ាស៊ីនតោនថា ការអញ្ជើញគួរតែត្រូវបានចេញមុនការវាយប្រហារ។

អ្នកនាំពាក្យក្រសួងការបរទេសអាមេរិក លោកស្រី Jalina Porter បាននិយាយថា ៖«អាមេរិកនៅតែជឿថា ខ្លួនមិនអាចធ្វើកិច្ចការដូចធម្មតាបានទេពាក់ព័ន្ធនឹងការចូលរួមរបស់រុស្ស៊ីជាមួយសហគមន៍អន្តរជាតិ ឬស្ថាប័នអន្តរជាតិ»៕

ប្រែសម្រួល៖ វីរបុត្រ
ប្រភព៖ AFP

Related Topics:សហរដ្ឋអាមេរិក

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា