ព័ត៌មានអន្ដរជាតិ
ស្ថានការណ៍ធ្ងន់ធ្ងរបំផុត! កូរ៉េខាងជើង ត្រៀមធ្វើតេស្តអាវុធនុយក្លេអ៊ែរ (មានវីដេអូ)
មន្ត្រីចារកម្មលោកខាងលិចបាននិយាយថា ប្រទេសកូរ៉េខាងជើង កំពុងរៀបចំធ្វើតេស្តអាវុធនុយក្លេអ៊ែរជាលើកដំបូងក្នុងរយៈពេលជាងបួនឆ្នាំ។
ភាពតានតឹងជាថ្មីនៅលើឧបទ្វីបកូរ៉េ បានជំរុញឲ្យបេសកជនបរមាណូរបស់ចិន ជួបសមភាគីកូរ៉េខាងត្បូងនៅទីក្រុងសេអ៊ូលកាលពីថ្ងៃអង្គារទី០៣ខែឧសភា ដោយហៅស្ថានការណ៍នេះថា “ធ្ងន់ធ្ងរបំផុត”។
យោងតាមសេចក្តីថ្លែងការណ៍របស់ក្រសួងការបរទេសកូរ៉េខាងត្បូងបានឲ្យដឹងថា លោក Noh Kyu-Duk សង្ឃឹមថា សមភាគីចិនគឺលោក Liu Xiaoming នឹងដើរតួក្នុងន័យស្ថាបនា ក្នុងការជំរុញឲ្យកូរ៉េខាងជើងវិលត្រឡប់មកតុចរចាវិញ។
មេដឹកនាំកូរ៉េខាងជើង លោក គីម ជុងអ៊ុន នាពេលថ្មីៗនេះ បានព្រមានថា លោកនឹងប្រើប្រាស់អាវុធនុយក្លេអ៊ែរប្រសិនបើមានការគំរាមកំហែង។
កាលពីប៉ុន្មានថ្ងៃមុន លោកបានចូលរួមជាអធិបតី ក្នុងក្បួនព្យុហយាត្រាយោធាដ៏ធំមួយផ្សេងទៀត ដើម្បីប្រារព្ធខួបលើកទី៩០នៃការបង្កើតកងទ័ពបដិវត្តន៍របស់ប្រទេសកូរ៉េខាងជើង។
លោក គីម បានសន្យាថា នឹងអភិវឌ្ឍអាវុធនុយក្លេអែរក្នុងល្បឿនលឿនបំផុត។ ក៏មានក្តីព្រួយបារម្ភផងដែរថា មេដឹកនាំកូរ៉េខាងជើងរូបនេះ នឹងបាញ់សាកល្បងអាវុធនុយក្លេអ៊ែរថ្មី ដើម្បីរំខានកិច្ចប្រជុំកំពូលរបស់លោកប្រធានាធិបតី Biden នៅថ្ងៃទី២១ខែឧសភា ក្នុងប្រទេសកូរ៉េខាងត្បូង។
គួរបញ្ជាក់ថា ប្រទេសកូរ៉េខាងជើងបានបង្ហាញមីស៊ីលអន្តរទ្វីប ICBM ថ្មីរបស់ខ្លួន ក្នុងអំឡុងពេលក្បួនព្យុហយាត្រាយោធាខែតុលាឆ្នាំ២០២០។
មីស៊ីលដែលត្រូវបានសាកល្បងក្នុងរយៈពេលប៉ុន្មានសប្តាហ៍ថ្មីៗនេះ បានហោះក្នុងរយៈចម្ងាយជាង ៦៤០០ គីឡូម៉ែត្រចូលទៅក្នុងលំហ ខណៈអ្នកជំនាញនិយាយថា មីស៊ីលនេះអាចហោះទៅដល់សហរដ្ឋអាមេរិក។
ទោះបីជាយ៉ាងណាក៏ដោយ គេនៅតែមិនទាន់ច្បាស់ ថាតើកូរ៉េខាងជើងបានបង្កើតក្បាលគ្រាប់នុយក្លេអ៊ែរដែលអាចបាញ់ចូលទៅក្នុងបរិយាកាសផែនដី ដោយជោគជ័យឬក៏អត់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ FOX
ចុចអាន៖ ផ្កាមិនរីក កូរ៉េខាងជើង ដាក់គុកអ្នកថែសួន និងបង្ខំឲ្យធ្វើពលកម្មធ្ងន់ធ្ងរ
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)