ព័ត៌មានអន្ដរជាតិ
លោក ពូទីន ប្រាប់អ្នកជំនាញឲ្យធ្វើការពីវិធីទូទាត់ប្រាក់ជាមួយប្រទេសមិត្តនិងអមិត្ត
លោកប្រធានាធិបតីរុស្ស៊ី វ្លាឌីមៀរ ពូទីន កាលពីថ្ងៃចន្ទម្សិលមិញបានបញ្ជាក់ឲ្យមានការបង្កើតក្រុមការងារមួយដើម្បីធ្វើការលើរបៀបទូទាត់ប្រាក់អន្តរជាតិជាមួយសម្ព័ន្ធមិត្ត ក្នុងនោះមានទាំងលក្ខខណ្ឌសម្រាប់ប្រតិបត្តិការជាមួយប្រទេសដែលជាអមិត្តទៀតផង។
កាលពីខែមីនា លោក ពូទីន បានកំណត់ថា រុស្ស៊ី ដែលជាប្រទេសផលិតឧស្ម័នធម្មជាតិធំជាងគេបំផុតក្នុងពិភពលោកតម្រូវឲ្យប្រទេសដែលយករុស្ស៊ីជាសត្រូវគឺត្រូវតែបើកគណនីនៅធនាគារ Gazprombank និងធ្វើការទូទាត់ជាប្រាក់អឺរ៉ូ ឬដូល្លារដើម្បីប្តូរទៅជាប្រាក់រូបិ៍លរុស្ស៊ី។
ប្រទេសប៉ូឡូញ និងប៊ុលហ្គារីបានបដិសេធធ្វើតាមការកំណត់របស់រុស្ស៊ី ដូច្នេះក្រុមហ៊ុនថាមពលយក្សរបស់រុស្ស៊ីគឺ Gazprom បានកាត់ផ្តាច់ការផ្គត់ផ្គង់ថាមពលដល់ប្រទេសទាំងពីរនេះកាលពីខែមុន។ រដ្ឋាភិបាលវិមានក្រឹមឡាំងបាននិយាយថា វិធីសាស្ត្រដូចគ្នានេះដែរនឹងកើតមានចំពោះនរណាដែលមិនព្រមធ្វើការទូទាត់តាមវិធីថ្មីពោលគឺបង់ជាប្រាក់រូបិយប័ណ្ណរុស្ស៊ី។
ក្រុមការងារដែលលោក ពូទីន បញ្ជានឹងធ្វើការដោះស្រាយលើ«ហេដ្ឋារចនាសម្ព័ន្ធសម្រាប់ការទូទាត់អន្តរជាតិ ក្នុងនោះមានទាំងប្រាក់រូបិ៍លរុស្ស៊ីជាមួយដៃគូពាណិជ្ជកម្មពីរដ្ឋបរទេស និងដែនដីដី រដ្ឋ ឬប្រទេសដែលមានសកម្មភាពជាអមិត្តជាមួយរុស្ស៊ី។
ក្រុមការងារនឹងពិនិត្យមើលលក្ខខណ្ឌទូទាត់ជាប្រាក់រូបិ៍ល និងរូបិយប័ណ្ណរបស់ប្រទេសផ្សេងៗជាប្រទេសមិត្តដែលមានទាំងចិន និងឥណ្ឌា ទោះជាប្រទេសទាំងនោះមិនត្រូវបានបញ្ចេញឈ្មោះក៏ដោយ។
ក្រុមការងារដែលនឹងដឹកនាំដោយទីប្រឹក្សាប្រធានាធិបតី គឺលោក Maxim Oreshkin និងមន្ត្រីកំពូលមានដូចទេសាភិបាលធនាគារកណ្តាលរុស្ស៊ី លោក Elvira Nabiullina ក៏ត្រូវបានផ្តល់ការងារឲ្យស្វែងរកវិធានការដើម្បីកាត់បន្ថយហានិភ័យពាក់ព័ន្ធនឹងការបង្កកប្រាក់បរទេសជិតពាក់កណ្តាល៦៤០ប៊ីលានដុល្លារអាមេរិករបស់រុស្ស៊ី។
ប្រទេសលោកខាងលិចបានដាក់ទណ្ឌកម្មជាបន្តបន្ទាប់យ៉ាងច្រើនប្រឆាំងនឹងរុស្ស៊ីដោយសារការបញ្ជូនកម្លាំងទ័ពទៅវាយប្រហារនៅប្រទេសអ៊ុយក្រែនកាលពីថ្ងៃទី២៤ ខែកុម្ភៈ។ រដ្ឋាភិបាលទីក្រុងមូស្គូបាននិយាយថាជា«ប្រតិបត្តិការយោធាពិសេស»ដើម្បីធ្វើឲ្យគ្មានអាវុធនៅអ៊ុយក្រែន និងលុបបំបាត់អ្វីដែលខ្លួនហៅថា អ្នកជាតិនិយមដ៏គ្រោះថ្នាក់៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)