ព័ត៌មានអន្ដរជាតិ
ចិន ព្រមាននាវាចម្បាំងអាមេរិក ដែលឆ្លងកាត់ច្រកសមុទ្រតៃវ៉ាន់ ក្រោយក្រុងប៉េកាំង ធ្វើសមយុទ្ធ
យោធាចិនបាននិយាយនៅថ្ងៃពុធទី១១ខែឧសភានេះថា ខ្លួនបានពិនិត្យ និងព្រមាននាវាចម្បាំងអាមេរិកមួយគ្រឿង ដែលធ្វើដំណើរឆ្លងកាត់ច្រកសមុទ្រតៃវ៉ាន់ដ៏រសើប ខណៈបេសកកម្មនេះ បានកើតឡើងភ្លាមៗបន្ទាប់ពីចិន ធ្វើសមយុទ្ធនៅជិតកោះនេះ។
បញ្ជាការដ្ឋានភាគខាងកើតនៃកងទ័ពរំដោះប្រជាជនចិន បាននិយាយនៅក្នុងសេចក្តីថ្លែងការណ៍មួយថា “សហរដ្ឋអាមេរិក តែងតែសម្តែងឆាកល្ខោនបែបនេះ និងបង្កបញ្ហា, បញ្ជូនសញ្ញាខុសទៅកាន់កងកម្លាំងឯករាជ្យតៃវ៉ាន់ ហើយបង្កើនភាពតានតឹងដោយចេតនានៅទូទាំងច្រកសមុទ្រតៃវ៉ាន់”។
កងទ័ពចិនរក្សាការប្រុងប្រយ័ត្នខ្ពស់គ្រប់ពេលវេលា ប្រឆាំងដាច់ខាតរាល់ការគំរាមកំហែង និងការញុះញង់ ហើយការពារយ៉ាងម៉ឺងម៉ាត់នូវអធិបតេយ្យភាពជាតិ និងបូរណភាពទឹកដី។
ស្របពេលជាមួយគ្នានោះដែរ កងនាវាចរទី ៧ របស់កងទ័ពជើងទឹកសហរដ្ឋអាមេរិក បាននិយាយថា នាវានាំផ្លូវមីស៊ីល USS Port Royal បានឆ្លងកាត់ច្រកសមុទ្រតៃវ៉ាន់ តាមរយៈដែនទឹកអន្តរជាតិ ស្របតាមច្បាប់អន្តរជាតិ កាលពីថ្ងៃអង្គារ ដែលជាបេសកកម្មតាមទម្លាប់លើកទីពីរ ក្នុងរយៈពេលពីរសប្តាហ៍។
យោងតាមកងទ័ពជើងទឹកអាមេរិក, ការធ្វើដំណើររបស់នាវា Port Royal ឆ្លងកាត់ច្រកសមុទ្រតៃវ៉ាន់ គឺបង្ហាញពីការប្តេជ្ញាចិត្តរបស់សហរដ្ឋអាមេរិកចំពោះតំបន់ឥណ្ឌូប៉ាស៊ីហ្វិកសេរី និងបើកចំហ។ យោធាសហរដ្ឋអាមេរិកហោះហើរ បើកនាវា និងធ្វើប្រតិបត្តិការគ្រប់ទីកន្លែងដែលច្បាប់អន្តរជាតិអនុញ្ញាត។
គួរបញ្ជាក់ថា សហរដ្ឋអាមេរិក បាននិងកំពុងអនុវត្តការធ្វើដំណើរបែបនេះប្រហែលមួយខែម្តង ធ្វើឲ្យចិនខឹងសម្បា ព្រោះចាត់ទុកទង្វើនេះថាជាសញ្ញានៃការគាំទ្រដល់កោះតៃវ៉ាន់។
សហរដ្ឋអាមេរិក ក៏ដូចប្រទេសភាគច្រើនដែរ គឺមិនមានទំនាក់ទំនងការទូតផ្លូវការជាមួយតៃវ៉ាន់ទេ ប៉ុន្តែជាអ្នកគាំទ្រអន្តរជាតិដ៏សំខាន់បំផុត និងជាអ្នកផ្គត់ផ្គង់អាវុធ ដោយធ្វើឲ្យទីក្រុងតៃប៉ិ ក្លាយជាប្រភពនៃភាពតានតឹងឥតឈប់ឈររវាងទីក្រុងប៉េកាំង និងវ៉ាស៊ីនតោន៕
ប្រែសម្រួល៖ Vann Vann
ប្រភព៖ CNA
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ