Connect with us

ព័ត៌មានអន្ដរជាតិ

មេដឹកនាំហ្វាំងឡង់ ចេញមុខគាំទ្រឲ្យប្រទេសចូល ណាតូ

បានផុស

នៅ

ប្រធានាធិបតីហ្វាំងឡង់លោក Sauli Niinisto និងនាយករដ្ឋមន្ត្រីលោកស្រី Sanna Marin បានចេញសេចក្តីថ្លែងការណ៍រួមថា ពួកគេគាំទ្រឲ្យប្រទេសនេះ ចូលជាសមាជិករបស់អង្គការណាតូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
This image has an empty alt attribute; its file name is 220314175930-sauli-niinisto-finnish-president-1024x685.jpg
លោក Sauli Niinisto

សេចក្តីថ្លែងការណ៍និយាយថា “ហ្វាំងឡង់ គួរតែដាក់ពាក្យដោយមិនបង្អង់យូរ ដើម្បីចូលរួមជាមួយណាតូ។ យើងសង្ឃឹមថា វិធានការក្នុងប្រទេស ដែលនៅតែចាំបាច់ដើម្បីធ្វើការសម្រេចចិត្តនេះ នឹងធ្វលឡើងយ៉ាងឆាប់រហ័សក្នុងរយៈពេលពីរបីថ្ងៃខាងមុខ”។

សេចក្តីថ្លែងការណ៍ដដែលនិយាយថា សមាជិកភាពរបស់អង្គការណាតូ នឹងពង្រឹងសន្តិសុខរបស់ប្រទេសហ្វាំងឡង់។

This image has an empty alt attribute; its file name is 1200x675_cmsv2_00aab34a-355a-5f19-b2c7-ea348604fb75-6615522-1024x576.jpg
លោកស្រី Sanna Marin

ស្របពេលជាមួយគ្នានោះ សហរដ្ឋអាមេរិករំពឹងថា ប្រទេសស៊ុយអែតនឹងដាក់ពាក្យសុំជាផ្លូវការរបស់ខ្លួន ដើម្បីក្លាយជាសមាជិកពេញសិទ្ធិរបស់អង្គការណាតូ នៅត្រឹមចុងខែមិថុនា ចំណែកហ្វាំងឡង់អាចប្រកាសជាផ្លូវការនូវសេចក្តីសម្រេចចិត្តរបស់ខ្លួន លើការចូលជាសមាជិកក្នុងខែនេះ។

យោងតាមរបាយការណ៍របស់ប្រព័ន្ធផ្សព្វផ្សាយកាលពីថ្ងៃព្រហស្បតិ៍, ប្រទេសស៊ុយអែតគ្រោងនឹងដាក់ពាក្យសុំចូលជាសមាជិក ណាតូ នៅថ្ងៃទី ១៦ ខែឧសភា។

This image has an empty alt attribute; its file name is 220309a-004_rdax_775x440s.jpg

គួរបញ្ជាក់ថា ហ្វាំងឡង់ និងស៊ុយអែត បានចាប់ផ្តើមពិភាក្សាគ្នាអំពីលទ្ធភាពនៃការបោះបង់ចោលអព្យាក្រឹតភាពយូរអង្វែង ហើយចូលរួមជាមួយអង្គការណាតូ ចំពេលប្រតិបត្តិការយោធារុស្ស៊ីនៅអ៊ុយក្រែន។

ប្រមុខអង្គការណាតូលោក Jens Stoltenberg បាននិយាយកាលពីខែមីនាថា ណាតូ នឹងស្វាគមន៍ដោយរីករាយជាមួយហ្វាំងឡង់ និងស៊ុយអែត ហើយនឹងផ្តល់ឲ្យពួកគេនូវឱកាសដើម្បីចូលរួមសម្ព័ន្ធភាពនេះយ៉ាងឆាប់រហ័ស៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អង់គ្លេស ហ្វាំងឡង់ និងស៊ុយអែត ចុះកិច្ចព្រមព្រៀងសន្តិសុខជួយគ្នា បើប្រទេសណារងការវាយប្រហារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម