Connect with us

ព័ត៌មានអន្ដរជាតិ

អ៊ីស្រាអែល នឹងមិនស៊ើបអង្កេតករណីបាញ់សម្លាប់អ្នកកាសែត Al Jazeera ឡើយ

បានផុស

នៅ

កងទ័ពអ៊ីស្រាអែលបាននិយាយកាលពីថ្ងៃព្រហស្បតិ៍ថានឹងមិនបើកការស៊ើបអង្កេតឧក្រិដ្ឋកម្មលើករណីបាញ់សម្លាប់អ្នកកាសែត Al Jazeera លោកស្រី Shireen Abu Akleh នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សេចក្តីថ្លែងការណ៍ពីយោធាអ៊ីស្រាអែល, កាសែត Jerusalem Post បានរាយការណ៍ថា “កងទ័ពអ៊ីស្រាអែលមិនចាំបាច់បើកការស៊ើបអង្កេតនៅដំណាក់កាលនេះនោះទេ” ។

សេចក្តីថ្លែងការណ៍បានលើកឡើងទៀតថា “គ្មានភាពពិតប្រាកដនៃអំពើឧក្រិដ្ឋកម្មចំពោះការសម្លាប់លោកស្រី Abu Akleh នោះទេ ហើយការស៊ើបអង្កេតបណ្តោះអាសន្នរបស់កងទ័ពមិនអាចកំណត់ថាតើលោកស្រីត្រូវបានបាញ់សម្លាប់ដោយកងទ័ពអ៊ីស្រាអែល ឬប៉ាឡេស្ទីនឡើយ ។

ទន្ទឹមនោះក្រសួងការបរទេសប៉ាឡេស្ទីនក៏បានថ្កោលទោសចំពោះហេតុការណ៍នេះផងដែរ ហើយបានចាត់ទុកអ៊ីស្រាអែលជាអ្នកទទួលខុសត្រូវទាំងស្រុងចំពោះការសម្លាប់នេះ ខណៈរដ្ឋាភិបាល ក្រុមសិទ្ធិមនុស្ស និងស្ថាប័នសារព័ត៌មានជាច្រើនបានស្វែងរកការស៊ើបអង្កេតប្រកបដោយតម្លាភាព លើការសម្លាប់អ្នកកាសែតជើងចាស់ប៉ាឡេស្ទីនរូបនេះផងដែរ ។

គួររម្លឹកថា នៅថ្ងៃទី ១១ ខែឧសភា លោកស្រី Abu Akleh វ័យ ៥១ ឆ្នាំត្រូវបានបាញ់សម្លាប់ដោយគ្រាប់ពិត នៅពេលកំពុងផ្សាយការវាយឆ្មក់របស់យោធាអ៊ីស្រាអែលនៅជិតជំរុំជនភៀសខ្លួនទីក្រុង Jenin នៅតំបន់ West Bank ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ជនជាតិ អាមរិក កំពុងជួយបណ្ដេញពលរដ្ឋ ប៉ាឡេស្ទីន ចេញពី អ៊ីស្រាអែល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម