ជនជាតិ អាមរិក កំពុងជួយបណ្ដេញពលរដ្ឋ ប៉ាឡេស្ទីន ចេញពី អ៊ីស្រាអែល

យោងតាមសារព័ត៌មាន AJ+ បានឲ្យដឹងថា ជនជាតិអាមេរិកមួយក្រុមបានសាងសង់របងលួសនៅខាងក្រៅផ្ទះរបស់ក្រុមគ្រួសារប៉ាឡេស្ទីនដែលកំពុងរស់នៅក្នុងទីក្រុង East Jerusalem ដែលកាន់កាប់ដោយអ៊ីស្រាអែល ដើម្បីបណ្ដេញពួកគេចេញពីការតាំងទីលំនៅមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Fatima Salem ជាស្ត្រីជនជាតិប៉ាឡេស្ទីនអាយុ ៧០ ឆ្នាំ​មាន​សមាជិក​គ្រួសារចំនួន ១១ នាក់ និងរស់នៅទីនេះ ៣ ជំនាន់មកហើយនោះបាននិយាយថា “សូមចេញពីមុខផ្ទះរបស់ខ្ញុំ ខ្ញុំចង់ចូលផ្ទះរបស់ខ្ញុំ” ។

លោកស្រី Salem និងគ្រួសារដែលរស់នៅក្នុងសង្កាត់ Sheikh Jarrah ជាសង្កាត់របស់ប៉ាឡេស្ទីនក្នុងក្រុង East Jerusalem ដែលត្រូវបានកាន់កាប់ដោយអ៊ីស្រាអែលក្នុងឆ្នាំ ១៩៦៧ បាននិយាយទៀតថា វាផ្ទុយនឹងច្បាប់អន្តរជាតិក្នុងការបណ្ដេញជនជាតិប៉ាឡេស្ទីនចេញពីតំបន់នេះ យើងនឹងបញ្ឈប់ការតាំងទីលំនៅទេ ។

កិច្ចខិតខំប្រឹងប្រែងបណ្ដេញលោកស្រី Salems ចេញពីសង្កាត់នេះមានរយៈពេលជាច្រើនទសវត្សរ៍មកហើយ ហើយវាកើតឡើងដោយសារតែអ្នកស្រុកជ្វីហ្វធ្លាប់រស់នៅលើអចលនទ្រព្យនេះ ប៉ុន្តែជនជាតិប៉ាឡេស្ទីនមិនមានសិទ្ធិក្នុងការទាមទារយកមកវិញនូវទ្រព្យសម្បត្តិដែលធ្លាប់ជាកម្មសិទ្ធិរបស់ពួកគេនោះទេ ។

គួរបញ្ជាក់ថា ហេតុការណ៍នេះបានកើតឡើងតែប៉ុន្មានថ្ងៃប៉ុណ្ណោះ បន្ទាប់ពីក្រុមគ្រួសារប៉ាឡេស្ទីនត្រូវបានផ្តល់ការជូនដំណឹងអំពីការបណ្តេញចេញដោយអ្នកតាំងលំនៅថ្មីដែលមានទំនាក់ទំនងជាមួយអង្គការសប្បុរសធម៌របស់សហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ AJ+

ចុចអាន ៖ អាមេរិក ឈប់ថ្កោលទោស អ៊ីស្រាអែល ចំពោះការបាញ់សម្លាប់អ្នកកាសែត Al Jazeera