ព័ត៌មានអន្ដរជាតិ
មេដឹកនាំ Quad ប្តេជ្ញាពួតដៃគ្នាដើម្បីឥណ្ឌូ-ប៉ាស៊ីហ្វិកសេរី និងបើកចំហ
នៅថ្ងៃអង្គារ៍ ទី២៤ ខែឧសភានេះ មេដឹកនាំទាំងបួននៃក្រុមប្រទេស Quad (អាមេរិក ជប៉ុន អូស្ត្រាលី និងឥណ្ឌា) បានប្តេជ្ញារួមគ្នាដើម្បីបង្កើតតំបន់ឥណ្ឌូ-ប៉ាស៊ីហ្វិកប្រកបដោយសេរីនិងបើកចំហ ហើយប្រយុទ្ធនឹងការប្រែប្រួលអាកាសធាតុ នៅពេលពួកគាត់បានជួបប្រជុំក្នុងគោលដៅទប់ទល់នឹងឥទ្ធិពលកំពុងកើនឡើងរបស់ចិន។
ប្រធានាធិបតីសហរដ្ឋអាមេរិក លោក ចូ បៃដិន ក្នុងការបើកកិច្ចប្រជុំជាមួយមេដឹកនាំ៣នាក់ដែលជាដៃគូប្រជាធិបតេយ្យជិតស្និទ្ធរាប់ទាំងនាយករដ្ឋមន្ត្រីឥណ្ឌា លោក Narendra Modi ផង បានថ្កោលទោសចំពោះការវាយប្រហាររបស់រុស្ស៊ីនៅអ៊ុយក្រែនថា មិនមែនជាបញ្ហានៅអឺរ៉ុបតែម្យ៉ាងនោះទេ ប៉ុន្តែជាបញ្ហាសកល។
នាយករដ្ឋមន្ត្រីជប៉ុន លោក Fumio Kishida បានបន្ទរដោយនិយាយថា រឿងបែបនេះមិនគួរអនុញ្ញាតឲ្យកើតមាននៅអាស៊ីទេ។
មន្ត្រីអាមេរិកម្នាក់បាននិយាយថា កោះតៃវ៉ាន់មិនមែនជាបញ្ហាមួយនៅក្នុងរបៀបវារៈរបស់កិច្ចប្រជុំមេដឹកនាំ Quad ទេ ប៉ុន្តែវាត្រូវបានរំពឹងថា នឹងក្លាយជាប្រធានបទសំខាន់មួយ បន្ទាប់ពីលោក ចូ បៃដិន បំបែកអនុសញ្ញា និងស្ម័គ្រចិត្តគាំទ្រផ្នែកយោធាលើកោះដែលស្វ័យគ្រប់គ្រង ប៉ុន្តែជាទឹកដីដែលចិនអះអាងជារបស់ខ្លួន។
លោក ចូ បៃដិន មានប្រសាសន៍អំពីអ៊ុយក្រែន នៅពេលកិច្ចប្រជុំមានវត្តមាននាយករដ្ឋមន្ត្រីអូស្ត្រាលីថ្មី លោក Anthony Albanese ថា ៖«បញ្ហានេះគឺលើសពីបញ្ហានៅអឺរ៉ុប»។ លោកបានសង្កត់ធ្ងន់ថា អាមេរិកនឹងឈរជាមួយសម្ព័ន្ធមិត្តដើម្បីជំរុញតំបន់ឥណ្ឌូ-ប៉ាស៊ីហ្វិកប្រកបដោយសេរី និងបើកចំហ»។
លោកមានប្រសាសន៍ថា ៖«ការវាយប្រហាររបស់រុស្ស៊ីនៅអ៊ុយក្រែនគឺគូសបញ្ជាក់ពីសារសំខាន់នៃគោលដៅទាំងនោះនៅក្នុងគោលការណ៍សំខាន់នៃសណ្តាប់ធ្នាប់អន្តរជាតិ បូរណភាពទឹកដី និងអធិបតេយ្យភាព។ ច្បាប់អន្តរជាតិ សិទ្ធិមនិស្សត្រូវតែការពារជានិច្ច ដោយមិនគិតពីទីកន្លែងដែលត្រូវបានគេរំលោភឡើយក្នុងពិភពលោក»។
លោក Kishida មានប្រសាសន៍ថា ការវាយប្រហាររបស់រុស្ស៊ីបានអង្រួនមូលដ្ឋានគ្រឹះនៃសណ្តាប់ធ្នាប់អន្តរជាតិ និងជាបញ្ហាប្រឈមផ្ទាល់ទៅលើគោលការណ៍របស់អង្គការសហប្រជាជាតិ។
«យើងមិនគួរអនុញ្ញាតឲ្យរឿងបែបនេះកើតមាននៅក្នុងតំបន់ឥណ្ឌូ-ប៉ាស៊ីហ្វិកឡើយ»។ លោកមានប្រសាសន៍។
ចំណែក លោក Modi មិនបាននិយាយអ្វីពាក់ព័ន្ធនឹងអ៊ុយក្រែន ឬរុស្ស៊ីឡើយអំពីការលើកឡើងរបស់លោកក្នុងកិច្ចប្រជុំ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ