Connect with us

ព័ត៌មានអន្ដរជាតិ

រុស្ស៊ី ព្រមានពីការគំរាមកំហែង នៃការអភិវឌ្ឍន៍អាវុធនុយក្លេអ៊ែររបស់ អ៊ុយក្រែន (មានវីដេអូ)

បានផុស

នៅ

រដ្ឋមន្ត្រីការពារជាតិរុស្សី លោក Sergei Shoigu បាននិយាយនៅក្នុងកិច្ចប្រជុំ រដ្ឋជាសមាជិកនៃអង្គការសន្ធិសញ្ញាសន្តិសុខសមូហភាព (CSTO) ថា មានការគំរាមកំហែងពិតប្រាកដនៃការផលិតអាវុធនុយក្លេអ៊ែររបស់អ៊ុយក្រែន និងមធ្យោបាយចែកចាយអាវុធទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
This image has an empty alt attribute; its file name is Sergei-Shoigu-scaled-1-1024x576.jpg
រដ្ឋមន្ត្រីការពារជាតិរុស្សី លោក Sergei Shoigu

រដ្ឋមន្ត្រីការពារជាតិរូបនេះនិយាយថា ទីក្រុងមូស្គូ​ បានទទួលភ័ស្តុតាងរួចហើយដែលបង្ហាញថា ទីក្រុងកៀវបានរំលោភលើកិច្ចព្រមព្រៀងអន្តរជាតិ ដោយចូលរួមក្នុងការអភិវឌ្ឍន៍អាវុធប្រល័យលោកប្រភេទមួយផ្សេងទៀត។

លោកបានបន្ថែមថា “បណ្តាញនៃមន្ទីរពិសោធន៍ជីវសាស្រ្តជាង ៣០ ដែលពាក់ព័ន្ធនឹងកម្មវិធីជីវសាស្ត្រយោធាសហរដ្ឋអាមេរិក ត្រូវបានបង្កើតឡើងនៅក្នុងប្រទេសអ៊ុយក្រែន។ ការស្រាវជ្រាវនៅក្នុងមន្ទីរពិសោធន៍ទាំងនេះ ត្រូវបានអនុវត្តដោយសម្ងាត់ រំលោភលើកាតព្វកិច្ចអន្តរជាតិ”។

This image has an empty alt attribute; its file name is 14001219000426_Test_PhotoN.jpg

តាមការកត់សម្គាល់របស់លោក Shoigu, សមាសធាតុនៃអាវុធជីវសាស្រ្ត ត្រូវបានផលិតនៅជិតព្រំដែនរុស្ស៊ី។ វិធីសាស្រ្ត ធ្វើឲ្យស្ថានភាពជំងឺរាតត្បាតនៅក្នុងប្រទេសរុស្ស៊ីអស្ថិរភាព ក៏ត្រូវបានសិក្សានៅក្នុងមន្ទីរពិសោធន៍ទាំងនេះផងដែរ។

ក្នុងអំឡុងកិច្ចប្រជុំ CSTO, ក្រសួងការពារជាតិរុស្ស៊ី បានសង្កត់ធ្ងន់ថា បណ្តាប្រទេសលោកខាងលិចបានរៀបចំជាបន្ទាន់ នូវការផ្គត់ផ្គង់អាវុធសាហាវៗ ក៏ដូចជាយុទ្ធនាការផ្សព្វផ្សាយព័ត៌មានមិនពិតជាសកលដ៏ធំមួយផងដែរ ដោយសារភ័យខ្លាចថា កងកម្លាំងអ៊ុយក្រែននឹងបរាជ័យ។ លោក​បាន​ចែករំលែក​ថា ​ទាហាន​ស៊ីឈ្នួល ​៦០០០​នាក់ ​បាន​មក​ដល់​ប្រទេស​អ៊ុយក្រែន​ក្នុង​គោលបំណង​ដូចគ្នានេះ​។

This image has an empty alt attribute; its file name is russia-military-nuclear-icbm-missile.jpg

លោក Shoigu ថែមទាំងបានចោទប្រកាន់ណាតូផងដែរថា កំពុងព្យាយាមប្រែក្លាយអ៊ុយក្រែនទៅជារដ្ឋដែលមានអរិភាពចំពោះរុស្ស៊ី ដោយប្រើប្រាស់ទីក្រុង កៀវ ជាឧបករណ៍ដើម្បីដាក់សម្ពាធលើទីក្រុងមូស្គូ។

រុស្ស៊ីនឹងបន្តប្រតិបត្តិការយោធាពិសេសនៅអ៊ុយក្រែន ដែលបានចាប់ផ្តើមកាលពីបីខែមុន រហូតដល់គោលដៅទាំងអស់ត្រូវបានសម្រេច។ លោក​អះអាង​ថា ជំនួយ​របស់​លោកខាងលិច​ចំពោះ​ទី​ក្រុងកៀវ ​នឹង​មិន​ប៉ះពាល់​ដល់​ប្រតិបត្តិការរុស្ស៊ី​ទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ អតីតរដ្ឋមន្ត្រីការបរទេសអាមេរិក ប្រាប់ឲ្យអ៊ុយក្រែន ប្រគល់ទឹកដីឲ្យ រុស្ស៊ី ទៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ នាទី មុន

គ.ជ.ប ផ្លាស់ប្ដូរពេលវេលាផ្សាយលទ្ធផលផ្លូវការ នៃការបោះឆ្នោតក្រុមប្រឹក្សា ឃុំ សង្កាត់

ជីវិតកម្សាន្ដ១២ នាទី មុន

អ៉ីវ៉ា ទម្លាយរឿងអតីតកាលជាមួយ កែវ វាសនា ធ្វើ ឲ្យអ្នកគាំទ្រស្រឡាំងកាំង

ព័ត៌មានជាតិ១៨ នាទី មុន

រដ្ឋមន្ត្រីសុខាភិបាល​ស្នើឱ្យក្រុមគ្រូពេទ្យកម្ពុជា​ខិតខំរៀនសូត្រ​ពីបច្ចេកទេសវេជ្ជសាស្ត្រ​ថ្មីៗពីអ្នក​ជំនាញកូរ៉េ

ព័ត៌មានជាតិ២៥ នាទី មុន

លោកជំទាវម៉ែន សំអន៖ ​ទំនាក់ទំនងការទូតរវាងកម្ពុជា-វៀតណាម ៥៥ ឆ្នាំបំពេញ​លក្ខខណ្ឌជាមិត្តដ៏ស្និទ្ធស្នាលស្មោះត្រង់

ចរាចរណ៍៣៥ នាទី មុន

កម្មកររោងចក្រ ២៧ នាក់​រងរបួសធ្ងន់​ស្រាល​ក្នុងហេតុការណ៍ក្រឡាប់រថយន្ត​នៅកំពង់ស្ពឺ

Sokha Hotels

ព័ត៌មានពេញនិយម