ព័ត៌មានអន្ដរជាតិ
អតីតរដ្ឋមន្ត្រីការបរទេសអាមេរិក ប្រាប់ឲ្យអ៊ុយក្រែន ប្រគល់ទឹកដីឲ្យ រុស្ស៊ី ទៅ
អតីតរដ្ឋមន្ត្រីការបរទេសអាមេរិក លោក Henry Kissinger បាននិយាយថា ប្រទេសលោកខាងលិច គួរតែបញ្ឈប់ការព្យាយាមធ្វើឲ្យប្រទេសរុស្ស៊ីទទួលបរាជ័យធ្ងន់ធ្ងរ ហើយលើកឡើងថា អ៊ុយក្រែនគួរតែបោះបង់ទឹកដីចោលទៅ។
លោក Kissinger អាយុ ៩៨ ឆ្នាំ បានប្រាប់វេទិកាសេដ្ឋកិច្ចពិភពលោក ដែលធ្វើឡើងនៅទីក្រុង Davos ប្រទេសស្វីសថា អ៊ុយក្រែនត្រូវតែចាប់ផ្តើមការចរចា មុនពេលបង្កើតភាពចលាចល និងភាពតានតឹង ដែលមិនងាយយកឈ្នះបាន។
លោកបានប្រាប់សន្និសីទកាលពីថ្ងៃចន្ទទី២៣ខែឧសភាថា “បន្ទាត់បែងចែក គួរតែជាការវិលត្រលប់ទៅរកស្ថានភាពដដែលវិញ។ ការបន្តសង្រ្គាមលើសពីចំណុចនោះ នឹងមិននាំឲ្យមានសេរីភាពនៅអ៊ុយក្រែនឡើយ ប៉ុន្តែនឹងជាសង្រ្គាមថ្មីមួយប្រឆាំងរុស្ស៊ី”។
មតិរបស់លោក Kissinger បានកើតឡើង ស្របពេលដែលប្រធានាធិបតីអ៊ុយក្រែនលោក Volodymyr Zelensky បាននិយាយនៅក្នុងសុន្ទរកថាដ៏មានឥទ្ធិពលមួយ ដើម្បីបើកកិច្ចប្រជុំកំពូលនៅទីក្រុង Davos ក្នុងសប្តាហ៍នេះថា កងកម្លាំងដ៏សាហាវនឹងគ្រប់គ្រងពិភពលោកម្តងទៀត ប្រសិនបើការលុកលុយរបស់រុស្ស៊ីលើអ៊ុយក្រែន ត្រូវបានអនុញ្ញាតទៅដោយមិនមានការឆ្លើយតប។
លោក Zelensky បានប្រាប់គណៈប្រតិភូថា កិច្ចប្រជុំកំពូលរបស់ពួកគេ នឹងក្លាយទៅជាគ្មានន័យ ប្រសិនបើលោក ពូទីន ត្រូវបានអនុញ្ញាតឲ្យឈ្នះសង្រ្គាម។
ប៉ុន្តែលោក Kissinger និយាយថា វានឹងក្លាយទៅជាគ្រោះថ្នាក់សម្រាប់លោកខាងលិច ក្នុងការងើបឡើងប្រឆាំងនៅពេលនេះ ហើយបំភ្លេចអំណាចរបស់រុស្ស៊ីនៅក្នុងទ្វីបអឺរ៉ុប។
លោកបានពន្យល់ថា រុស្ស៊ីគឺជាផ្នែកសំខាន់មួយរបស់អឺរ៉ុប អស់រយៈពេលជាង៤សតវត្សរ៍មកហើយ, មេដឹកនាំអឺរ៉ុបត្រូវសម្លឹងមើលទំនាក់ទំនងឲ្យបានវែងឆ្ងាយ បើមិនដូច្នេះទេ នឹងប្រថុយធ្វើឲ្យរុស្ស៊ីចូលទៅក្នុងសម្ព័ន្ធភាពអចិន្ត្រៃយ៍ជាមួយប្រទេសចិនជាក់ជាមិនខាន៕
ប្រែសម្រួល៖ Vann Vann
ប្រភព៖ Daily Mail
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត