ព័ត៌មានអន្ដរជាតិ
ថៃ ចាប់ផ្តើមពិនិត្យអ្នកដំណើរមកពីបរទេស រកជំងឺអុតស្វានៅ អាកាសយានដ្ឋានសុវណ្ណភូមិ
លោក Opas Karnkawinpong ប្រធាននាយកដ្ឋានគ្រប់គ្រងជំងឺថៃ (DDC) បាននិយាយថា ការិយាល័យគ្រប់គ្រង និងធ្វើចត្តាឡីស័កអន្តរជាតិនៅអាកាសយានដ្ឋានសុវណ្ណភូមិ បានចាប់ផ្តើមពិនិត្យលើអ្នកដំណើរមកពីបរទេសដើម្បីរកជំងឺអុតស្វា ដោយប្រើប្រព័ន្ធ Thailand Pass។
យោងតាមលោកវេជ្ជបណ្ឌិត Opas, ការពិនិត្យនេះ នឹងរកឃើញមនុស្សដែលត្រូវបានគេចាត់ទុកថាមានហានិភ័យខ្ពស់ និងជួយការពារជំងឺអុតស្វា មិនឲ្យនាំចូលទៅក្នុងប្រទេសថៃ។
មេរោគនេះត្រូវបានគេរាយការណ៍ថា រីករាលដាលដល់ប្រទេសជាច្រើនរួចទៅហើយ ហើយអាចឆ្លងតាមរយៈទំនាក់ទំនងជិតស្និទ្ធរវាងមនុស្សនិងមនុស្ស។
ប្រទេសថៃ នឹងផ្តោតលើអ្នកធ្វើដំណើរមកពីប្រទេសដែលមានហានិភ័យខ្ពស់ ដូចជានីហ្សេរីយ៉ា និងកុងហ្គោនៅតំបន់អាហ្រ្វិកកណ្តាល និងប្រទេសមួយចំនួននៅអឺរ៉ុប ដែលការឆ្លងជំងឺអុតស្វាត្រូវបានរាយការណ៍។
អ្នកធ្វើដំណើរ ប្រហែលជាមិនមានរោគសញ្ញានៃជំងឺនេះទេ មុនពេលចេញដំណើរ ប៉ុន្តែរោគសញ្ញាអាចនឹងបង្ហាញនៅពេលពួកគេមកដល់ប្រទេសថៃ។ រោគសញ្ញារួមមានឡើងកម្តៅ ៣៨ អង្សាសេឬខ្ពស់ជាងនេះ, ឈឺបំពង់ក, ឈឺក្បាល, ឈឺសាច់ដុំ, ឈឺខ្នង, ឡើងកន្ទួលលើរាងកាយ, ពងបែក និងកមរមាស់។
ការយកចិត្តទុកដាក់ជាពិសេស នឹងផ្តោតលើអ្នកដំណើរដែលរស់នៅ ឬធ្វើដំណើរពីប្រទេសដែលជំងឺអុតស្វាយ ត្រូវបានគេរាយការណ៍ក្នុងរយៈពេល ២១ ថ្ងៃចុងក្រោយ។
ពេលមកដល់អាកាសយានដ្ឋានសុវណ្ណភូមិ អ្នកដំណើរត្រូវស្កែន QR កូដ ដើម្បីយកលិខិតសុខភាព មកបំពេញ។ អ្នកដែលមានរោគសញ្ញាជំងឺអុតស្វា ត្រូវដាក់ចូលក្នុងប្រព័ន្ធត្រួតពិនិត្យ ហើយបន្ទាប់មកទៅជួបវេជ្ជបណ្ឌិតក្នុង មន្ទីរពេទ្យដែលនៅជិតបំផុត។
គួរបញ្ជាក់ថា អាជ្ញាធរថៃមិនទាន់ប្រកាសថា អុតស្វាគឺជាជំងឺឆ្លងដ៏គ្រោះថ្នាក់នោះទេ ហើយក៏មិនរកឃើញករណីក្នុងស្រុកដែរ៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ជំងឺអុតស្វា ត្រូវបានរកឃើញក្នុងប្រទេសចំនួន៣ ទៀតហើយ
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៧ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា១២ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?