ព័ត៌មានអន្ដរជាតិ
រុស្ស៊ីធ្វើឲ្យ ស្ត្រីហ្វាំងឡង់សម្រុកចុះឈ្មោះ រៀនជំនាញការពារជាតិ (មានវីដេអូ)
ប៉ុន្មានថ្ងៃបន្ទាប់ពីរុស្ស៊ីវាយប្រហារអ៊ុយក្រែននៅថ្ងៃទី២៤ខែកុម្ភៈ សហគ្រិនហ្វាំងឡង់ឈ្មោះ Sissi Moberg បានស្រាវជ្រាវតាមអ៊ីនធឺណិត រកវគ្គសិក្សា ដែលអាចបង្រៀនជំនាញដល់នាង ដើម្បីជួយការពារប្រទេសហ្វាំងឡង់ ក្នុងករណីមានការវាយប្រហារដោយយោធា។
ស្រ្តីកូន៤អាយុ៤៦ឆ្នាំរូបនេះ បានប្រាប់រ៉យទ័រថា “ខ្ញុំមានអារម្មណ៍សោកស្ដាយខ្លាំងណាស់សម្រាប់ជនជាតិអ៊ុយក្រែន។ ហើយបន្ទាប់មក ខ្ញុំចាប់ផ្តើមព្រួយបារម្ភអំពីប្រទេសហ្វាំងឡង់ ហើយគិតថា តើខ្ញុំអាចធ្វើអ្វីបានចំពោះបញ្ហានេះ”។
ក្នុងរយៈពេលប៉ុន្មានសប្តាហ៍ចុងក្រោយ លោកស្រី Moberg បានរៀនអំពីរបៀបប្រើកាំភ្លើង និងបន្លាស់ទីនៅលើសមរភូមិ។
សង្រ្គាមនៅអ៊ុយក្រែន បានបង្កឲ្យមានការភ្ញាក់ផ្អើលយ៉ាងខ្លាំងនៅក្នុងប្រទេសហ្វាំងឡង់ ដែលមានព្រំដែន ១៣០០គីឡូម៉ែត្រជាមួយប្រទេសរុស្ស៊ី ហើយក្នុងអំឡុងសង្គ្រាមលោកលើកទី២ ហ្វាំងឡង់ បានធ្វើសង្គ្រាមពីរលើកប្រឆាំងនឹងសហភាពសូវៀត ដែលធ្វើឲ្យបាត់បង់ទឹកដីរបស់ខ្លួនមួយភាគដប់។ ប្រជាជនហ្វាំងឡង់ ប្រហែល ១០០ ០០០នាក់ ត្រូវបានសម្លាប់។
ដោយសារតែការលុកលុយ ប្រទេសហ្វាំងឡង់ កាលពីខែមុន បានដើរចេញពីគោលនយោបាយការពារជាតិ និងសន្តិសុខក្នុងស្រុករយៈពេលច្រើនទស្សវត្សរ៍ នៅពេលដែលខ្លួនបានដាក់ពាក្យសុំចូលជាសមាជិកក្នុងសម្ព័ន្ធភាពយោធា ណាតូ។
សមាគមស្ត្រីត្រៀមខ្លួនសម្រាប់គ្រាអាសន្នជាតិរបស់ប្រទេសហ្វាំងឡង់ បាននិយាយថា តម្រូវការសម្រាប់វគ្គសិក្សារបស់ពួកគេ បានចាប់ផ្ដើមកើនឡើងតាំងពីខែកុម្ភៈមក។
Suvi Aksela ប្រធានផ្នែកទំនាក់ទំនងរបស់សមាគមនេះ បាននិយាយថា “ភ្លាមៗបន្ទាប់ពីសង្រ្គាមផ្ទុះឡើង ទូរស័ព្ទរបស់យើងបានចាប់ផ្តើមរោទ៍ ហើយទទួលបានអ៊ីមែលច្រើន។ ជាការពិត តម្រូវការសម្រាប់ការបណ្តុះបណ្តាលបានកើនឡើងយ៉ាងគំហុក”។
និន្នាការនេះ គឺស្របតាមប្រពៃណីដ៏យូរអង្វែងរបស់ហ្វាំងឡង់ ដែលក្នុងអំឡុងសម័យសង្គ្រាមគឺសម្បូរទៅដោយស្ត្រី ស្ម័គ្រចិត្តដាក់ពាក្យធ្វើទាហាន។
យោងតាមទិន្នន័យពីយោធា, ប្រហែល ១៩ ភាគរយនៃបុគ្គលិកយោធាអាជីពទាំង ១៣ ០០០នាក់របស់ប្រទេសហ្វាំងឡង់គឺជាស្ត្រី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ The News
ចុចអាន៖ លោក ពូទីន ផ្តល់សំណង ៨១ ៥០០ ដុល្លារ ដល់គ្រួសារឆ្មាំជាតិ ដែលស្លាប់នៅអ៊ុយក្រែន
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម២១ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សន្តិសុខសង្គម១ សប្តាហ៍ ago
អ្នកនាំពាក្យ៖ ករណីបាញ់សម្លាប់សា្វមីម្ចាស់ប្រេន Lakamo ជនដៃដល់បានធ្វើអត្តឃាតខ្លួនឯងតាមក្រោយ(មានវីដែអូ)
-
ព័ត៌មានអន្ដរជាតិ៦ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?