ព័ត៌មានអន្ដរជាតិ
មេដឹកនាំកូរ៉េខាងជើង គីម ជុងអ៊ុន គាំទ្រការដឹកនាំរបស់លោក ពូទីន
មេដឹកនាំកូរ៉េខាងជើងលោក គីម ជុងអ៊ុន បានផ្ញើសារអបអរសាទរដល់ប្រធានាធិបតីរុស្ស៊ីលោក វ្ល៉ាឌីមៀ ពូទីន ក្នុងឱកាសនៃ “ទិវារុស្ស៊ី” ដែលបានប្រារព្ធនៅថ្ងៃទី ១២ ខែមិថុនា និងបានរំឭកពីការគាំទ្ររបស់លោកចំពោះប្រទេសរុស្ស៊ីផងដែរ ចំពេលមានសង្គ្រាមលុកលុយរបស់ទីក្រុងមូស្គូលើអ៊ុយក្រែន ។
កាសែត Rodong Sinmun របស់គណបក្សកាន់ពលករដែលកំពុងកាន់អំណាចបានរាយការណ៍ដោយដកស្រង់សម្ដីពីលោក គីម ដែលបាននិយាយនៅថ្ងៃអាទិត្យនេះថា ក្រោមការដឹកនាំរបស់លោក ពូទីន ប្រទេសរុស្ស៊ីបានជម្នះរាល់ការលំបាក សម្រេចបាននូវសមិទ្ធិផលនៃភាពយុត្តិធម៌ដើម្បីការពារសេចក្តីថ្លៃថ្នូរ និងសន្តិសុខរបស់ខ្លួន ។
លោក គីម បានបន្ថែមថា ប្រជាជនកូរ៉េខាងជើងក៏ផ្តល់ការគាំទ្រ និងលើកទឹកចិត្តយ៉ាងពេញទំហឹងដល់ប្រទេសរុស្ស៊ីផងដែរ ហើយលោកមានទំនុកចិត្តថា កិច្ចសហប្រតិបត្តិការយុទ្ធសាស្ត្ររវាងប្រទេសទាំងពីរនឹងកាន់តែស៊ីជម្រៅជាងមុនដើម្បីការពារយុត្តិធម៌អន្តរជាតិ និងធានាសន្តិសុខពិភពលោក ។
គួរបញ្ជាក់ថា កាលពីខែមុនប្រទេសរុស្ស៊ីក៏បានវេតូដំណោះស្រាយដាក់ទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិលើកូរ៉េខាងជើងជុំវិញការបាញ់មីស៊ីលបាឡីស្ទីកម្តងហើយម្តងទៀតរបស់ប្រទេសនេះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ កូរ៉េខាងជើង តែងតាំងបេសកជននុយក្លេអ៊ែរជា រដ្ឋមន្ត្រីការបរទេស និងជា ស្ត្រីដំបូងបំផុតរបស់ប្រទេស
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)