អ៊ុយក្រែន ថា រុស្ស៊ី អាចអូសបន្លាយសង្គ្រាមរយៈពេល ១ ឆ្នាំទៀត

នាយកចារកម្មយោធារបស់អ៊ុយក្រែនបាននិយាយថា បើវាយតម្លៃតាមស្ថានភាពជាក់ស្ដែង រុស្ស៊ីនឹងអាចរក្សាជំហរសង្រ្គាមបច្ចុប្បន្នជាមួយអ៊ុយក្រែនប្រហែលប្រើពេលមួយឆ្នាំទៀត ។

ក្រុមមន្ត្រីបានបង្ហោះតាមរយៈ Telegram ថា “ថ្នាក់ដឹកនាំវិមានក្រឹមឡាំងប្រហែលជានឹងព្យាយាមបន្ថូរសង្រ្គាមមួយរយៈសិនដើម្បីបញ្ចុះបញ្ចូលលោកខាងលិចឲ្យដកទណ្ឌកម្ម ប៉ុន្តែបន្ទាប់មកសង្គ្រាមលុកលុយររបស់រុស្ស៊ីនឹងនៅតែបន្តដដែរ” ។

មន្ត្រីអ៊ុយក្រែនបាននិយាយទៀតថា ធនធាន​សេដ្ឋកិច្ច​របស់​រុស្ស៊ី​នឹង​អនុញ្ញាតឲ្យ​ទីក្រុង​មូស្គូបន្ត​សង្គ្រាម​ក្នុង​ល្បឿន​មួយ ហើយអាចអូសបន្លាយពេល​មួយ​ឆ្នាំ​ទៀត ។

ការអត្ថាធិប្បាយនេះហាក់ដូចជាស្របទៅនឹងអ្វីដែលមន្ត្រីជាច្រើនបាននិយាយនៅក្នុងសប្តាហ៍ថ្មីៗនេះអំពីលទ្ធភាពនៃ “សង្រ្គាមអូសបន្លាយពេល” បន្ទាប់ពីក្រុមមន្ត្រីទាំងនោះបានវាយតម្លៃពីស្ថានភាពជាក់ស្ដែងលើវិបត្តិអ៊ុយក្រែនកាលពីចុងសប្តាហ៍មុន ៕

ប្រែសម្រួលដោយ ៖ ជីវ័ន្ត

ប្រភព ៖ Washington Examiner

ចុចអាន ៖ រុស្ស៊ី បាញ់កម្ទេចទីតាំងទាហានស៊ីឈ្នួលបរទេសនៅ អ៊ុយក្រែន ស្លាប់ ១៧០ នាក់