រុស្ស៊ី បាញ់កម្ទេចទីតាំងទាហានស៊ីឈ្នួលបរទេសនៅ អ៊ុយក្រែន ស្លាប់ ១៧០ នាក់

អ្នកនាំពាក្យក្រសួងការពារជាតិរុស្ស៊ីលោក Igor Konashenkov បាននិយាយកាលពីថ្ងៃសៅរ៍ថា កងកម្លាំងអាកាសរុស្ស៊ីបានបាញ់មីស៊ីលល្បឿនលឿនជាងសំឡេងកម្ទេចមជ្ឈមណ្ឌលរបស់ទាហានស៊ីឈ្នួលបរទេសនៅក្នុងតំបន់ Kharkov របស់អ៊ុយក្រែន ។

លោក Konashenkov បានប្រាប់សន្និសីទសារព័ត៌មានថា “ទីតាំងទាហានស៊ីឈ្នួលបរទេសនៅតំបន់ជុំវិញភូមិ Andreevka ក្នុងតំបន់ Kharkov ត្រូវបានបាញ់កម្ទេចដោយកាំជ្រួចមីស៊ីលបាញ់ពីដីទៅអាកាសរបស់កងកម្លាំងរុស្ស៊ី” ។

ទន្ទឹមនោះកងកម្លាំងរុស្ស៊ីក៏បានសម្លាប់ទាហានអ៊ុយក្រែនប្រហែល ១៧០ នាក់ និងបំផ្លាញរថក្រោះចំនួន ៥ គ្រឿង កាំភ្លើងធំចំនួន ៦ គ្រឿង រថយន្តយោធាពិសេសចំនួន ៨ គ្រឿង និងឃ្លាំងគ្រាប់ជាច្រើនផងដែរ ។

អ្នកនាំពាក្យរូបនេះបានបន្ថែមថា យោធារុស្ស៊ីក៏បានវាយប្រហារទីតាំងកងទ័ពអ៊ុយក្រែនចំនួន ៤៨ និងឧបករណ៍យោធាផ្សេងទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អ៊ុយក្រែន កំពុងចាញ់សង្គ្រាម ព្រោះតែ រុស្ស៊ី មានកាំភ្លើងធំច្រើនជាង ១០ ទៅ ១៥ ដង