មេដឹកនាំអឺរ៉ុបកំពូល ៣រូប ជិះរថភ្លើងទៅទីក្រុង កៀវ ទាំងយប់

មេដឹកនាំ​ដ៏​មាន​ឥទ្ធិពល​បំផុត​ទាំង​បី​របស់​សហភាព​អឺរ៉ុប កំពុងបង្ហាញពីការ​រួបរួមគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយករដ្ឋមន្ត្រីអ៊ីតាលីលោក Mario Draghi, ប្រធានាធិបតីបារាំងលោក Emmanuel Macron និងអធិការបតីអាល្លឺម៉ង់លោក Olaf Scholz បានធ្វើដំណើរតាមរថភ្លើងរួមគ្នាទាំងយប់ ទៅកាន់ទីក្រុង កៀវ ដើម្បីឆ្លើយតបទៅនឹងការរិះគន់ សម្រាប់ការគាំទ្រមិនសូវកក់ក្តៅរបស់ពួកគេ ចំពោះប្រទេសអ៊ុយក្រែន។

ដំណើរ​​នេះ​កើត​ឡើង​មួយ​ថ្ងៃ​ មុន​ពេល​គណៈកម្មការ​អឺរ៉ុប​គ្រោង​នឹង​ចេញអនុសាសន៍​មួយ ​អំពី​ឋានៈ​អ៊ុយក្រែន​ជា​បេក្ខជន​សម្រាប់​សមាជិកភាព​សហភាព​អឺរ៉ុប។

ថ្លែងមុនការធ្វើដំណើរ លោក Macron និយាយថា “យើងបានឈានដល់ចំណុចមួយ ដែលយើងត្រូវបញ្ជូនសញ្ញានយោបាយច្បាស់លាស់ថា ពួកយើងជាជនជាតិអឺរ៉ុប ឆ្ពោះទៅរកអ៊ុយក្រែន និងប្រជាជនរបស់ពួកគេ នៅពេលដែលពួកគេកំពុងទប់ទល់ដោយវីរភាព”។

គួរបញ្ជាក់ថា ការ​តស៊ូរបស់អ៊ុយក្រែន គឺ​ពឹងផ្អែកយ៉ាង​ខ្លាំង​លើ​ការ​គាំទ្រផ្នែក​យោធា ពីសំណាក់​បរទេស។

ប្រធានាធិបតីអាមេរិក លោក Joe Biden បានប្រកាសថា ទីក្រុងវ៉ាស៊ីនតោន នឹងផ្តល់ជំនួយផ្នែកសន្តិសុខបន្ថែម ក្នុងទំហំទឹកប្រាក់ ១ពាន់លានដុល្លារទៀត ដែលក្នុងជំនួយនោះរួមមានកាំភ្លើងធំ និងអាវុធផ្សេងៗ។

ក្នុងកញ្ចប់ជំនួយថ្មីនេះរួមមាន គ្រាប់កាំភ្លើងធំ MLRS, កាំភ្លើងយន្ត M777 ចំនួន ១៨គ្រឿង និងរថយន្តយុទ្ធសាស្ត្រដើម្បីសណ្តោងពួកគេ និងគ្រាប់កាំភ្លើង១៥៥មិល្លីម៉ែត្រ ចំនួន៣៦ ០០០គ្រាប់៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Joe Biden ផ្តល់ជំនួយសព្វាវុធ ក្នុងទំហំទឹកប្រាក់ ១ពាន់លានដុល្លារបន្ថែមទៀត ដល់ អ៊ុយក្រែន