ព័ត៌មានអន្ដរជាតិ
លោក Joe Biden ផ្តល់ជំនួយសព្វាវុធ ក្នុងទំហំទឹកប្រាក់ ១ពាន់លានដុល្លារបន្ថែមទៀត ដល់ អ៊ុយក្រែន
ប្រធានាធិបតីអាមេរិក លោក Joe Biden បានជូនដំណឹងដល់សមភាគីអ៊ុយក្រែនលោក Volodymyr Zelensky ថា ទីក្រុងវ៉ាស៊ីនតោន នឹងផ្តល់ជំនួយផ្នែកសន្តិសុខបន្ថែម ក្នុងទំហំទឹកប្រាក់ ១ពាន់លានដុល្លារទៀត ដែលក្នុងជំនួយនោះរួមមានកាំភ្លើងធំ និងអាវុធផ្សេងៗ។
លោក Biden បានឲ្យដឹងថា “ខ្ញុំបានជូនដំណឹងដល់លោកប្រធានាធិបតី Zelensky ថា សហរដ្ឋអាមេរិកនឹងផ្តល់ជំនួយផ្នែកសន្តិសុខចំនួន ១ពាន់លានដុល្លារបន្ថែមទៀតដល់អ៊ុយក្រែន រួមទាំងកាំភ្លើងធំ និងអាវុធការពារឆ្នេរសមុទ្រ ក៏ដូចជាគ្រាប់កាំភ្លើងធំ និងប្រព័ន្ធរ៉ុកកែតទំនើប ដែលអ៊ុយក្រែនត្រូវការ ដើម្បីគាំទ្រដល់ប្រតិបត្តិការការពាររបស់ពួកគេនៅក្នុងតំបន់ Donbas ផងដែរ”។
លោក Biden ក៏បានបង្ហាញផងដែរថា ប្រមុខមន្ទីរបញ្ចកោណលោក Lloyd Austin បាននិងកំពុងខិតខំប្រឹងប្រែងនៅទីក្រុង ព្រុចសែល នៃប្រទេសបែលហ្ស៊ិក ដើម្បីប្រមែប្រមូលការគាំទ្រអន្តរជាតិបន្ថែមសម្រាប់យោធាអ៊ុយក្រែន។
ក្នុងកញ្ចប់ជំនួយថ្មីនេះក៏រួមមានផងដែរនូវ គ្រាប់កាំភ្លើងធំ MLRS, កាំភ្លើងយន្ត M777 ចំនួន ១៨គ្រឿង និងរថយន្តយុទ្ធសាស្ត្រដើម្បីសណ្តោងពួកគេ និងគ្រាប់កាំភ្លើង១៥៥មិល្លីម៉ែត្រ ចំនួន៣៦ ០០០គ្រាប់។
លើសពីនេះ លោក Biden បានសន្យាផ្តល់ជំនួយមនុស្សធម៌បន្ថែមចំនួន ២២៥លានដុល្លារសម្រាប់ពលរដ្ឋអ៊ុយក្រែន ក្នុងទម្រង់ជាទឹកផឹក ថ្នាំពេទ្យ អាហារ ទីជម្រក និងសាច់ប្រាក់សម្រាប់ទិញសម្ភារសំខាន់ៗ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ ណាតូ ចាំបាច់ត្រូវត្រៀមលក្ខណៈកាន់តែខ្ពស់ និងត្រូវការ អាវុធកាន់តែច្រើន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore