ព័ត៌មានអន្ដរជាតិ
ថៃ ចូលរួមជាមួយក្រុមហ៊ុនអង់គ្លេស ផលិតវ៉ាក់សាំងកូវីដសម្រាប់តំបន់ អាស៊ីអាគ្នេយ៍
ប្រទេសថៃនិយាយថា កតិកាសញ្ញារបស់មន្ទីរពិសោធន៍ក្នុងតំបន់ជាមួយក្រុមហ៊ុនអង់គ្លេស AstraZeneca នឹងធ្វើឲ្យប្រទេសអាស៊ីអាគ្នេយ៍មួយនេះក្លាយជាមជ្ឈមណ្ឌលប្រចាំតំបន់សម្រាប់ការផ្គត់ផ្គង់នូវអ្វីដែលទំនងជាវ៉ាក់សាំងឈានមុខគេមួយប្រឆាំងនឹងជំងឺកូវីដ១៩។
លោក Nakorn Premsri ប្រធានវិទ្យាស្ថានវ៉ាក់សាំងជាតិថៃបាននិយាយថា ក្រុមហ៊ុន Siam Bioscience ដែលមានមូលដ្ឋាននៅទីក្រុងបាងកកបានចុះហត្ថលេខាលើលិខិតមួយជាមួយក្រុមហ៊ុន AstraZeneca ដើម្បីផលិតវ៉ាក់សាំងកូវីដ AZD1222 របស់ក្រុមហ៊ុនអង់គ្លេសចំនួន២០០លានដូស។
ក្រសួងសុខាភិបាលថៃនិងក្រុមហ៊ុន SCG ជាមួយផ្នែកវេចខ្ចប់និងផ្នែកគីមីរបស់ខ្លួនក៏ចូលរួមក្នុងកិច្ចព្រមព្រៀងនេះដែរ។
ទោះបីជាយ៉ាងណាក៏ដោយ លោក Nakorn បាននិយាយថា វ៉ាក់សាំងភាគច្រើននឹងត្រូវនាំចេញទៅបរទេស។
លោកបានប្រាប់ VOA ថា “ប្រទេសថៃនឹងទទួលបានតែ២៦លានដូសប៉ុណ្ណោះ។ យើងអាចស្នើសុំបន្ថែមទៀតប៉ុន្តែវាមិនមែនជាចំណែកធំទេដូច្នេះប្រហែលជាជាងពាក់កណ្តាលនៃចំនួន២០០លានដូសអាចត្រូវបាននាំចេញ”។
លោកបានបន្ថែមថា “នៅក្នុងលិខិតដែលយើងបានធ្វើរួមគ្នាជាមួយ Siam Bioscience, AstraZeneca និងក្រសួងសុខាភិបាលបានបញ្ជាក់ថា វ៉ាក់សាំងនឹងត្រូវចែកចាយទៅឲ្យប្រទេសនៅក្នុងតំបន់អាស៊ាន”។
លោក Nakorn បន្តថា ដោយសារតែអ្នកប្រើវ៉ាក់សាំងរបស់ក្រុមហ៊ុន AstraZeneca នឹងត្រូវការការចាក់ចំនួនពីរដូសម្នាក់នោះ វ៉ាក់សាំងចំនួន២៦លានដូសដែលថៃបានបម្រុងទុកគឺនឹងគ្រប់គ្រាន់សម្រាប់ប្រជាជនចំនួន១៣លាននាក់ពោលគឺស្មើនឹងប្រមាណមួយភាគប្រាំនៃចំនួនប្រជាជនសរុបរបស់ប្រទេសនេះ។ លោកនិយាយថា វានឹងអាស្រ័យទៅលើក្រុមហ៊ុនអង់គ្លេសក្នុងការសម្រេចចិត្តថាតើត្រូវចែកចាយវ៉ាក់សាំងប៉ុន្មានទូទាំងតំបន់អាស៊ីអាគ្នេយ៍ដែលមានប្រជាជនជាង៦៥០លាននាក់៕
ប្រែសម្រួលដោយ៖ Vann Vann
ប្រភព៖ VOA
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)