ក្រុមហ៊ុនចិន រៀបចំនាំចេញវ៉ាក់សាំងកូវីដ៤០០លានដូសចែកចាយទូទាំងពិភពលោក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រុមហ៊ុនចិន រៀបចំនាំចេញវ៉ាក់សាំងកូវីដ៤០០លានដូសចែកចាយទូទាំងពិភពលោក

Published

on

ក្រុមហ៊ុនផលិតឱសថរបស់ប្រទេសចិនបានរៀបចំដើម្បីផ្គត់ផ្គង់វ៉ាក់សាំងកូវីដជិត៤០០លានដូសទៅឲ្យប្រទេសផ្សេងៗខណៈដែលការចែកចាយទូទាំងពិភពលោកបានចាប់ផ្តើមហើយ ហើយរដ្ឋាភិបាលនានាកំពុងប្រជែងគ្នាដើម្បីទទួលបានវ៉ាក់សាំងនេះ។

យោងតាមទិន្នន័យសាធារណៈដែលចងក្រងដោយក្រុមហ៊ុនវិភាគអង់គ្លេស Airfinity និងមជ្ឍមណ្ឌលសុខភាពអន្តរជាតិ Duke បានឲ្យដឹងថា ក្រុមហ៊ុនចិនឈានមុខទាំង៣ដូចជា China National Pharmaceutical Group (Sinopharm), Sinovac Biotech និង CanSino Biologics បានធ្វើកិច្ចព្រមព្រៀងដើម្បីផ្គត់ផ្គង់វ៉ាក់សាំងទៅឲ្យបណ្តាប្រទេសនៅតំបន់អាមេរិកឡាទីន មជ្ឈិមបូព៌ានិងអាស៊ី។

កិច្ចព្រមព្រៀងនេះបានកើតឡើងស្របនឹងកិច្ចសន្យាការទូតរបស់ទីក្រុងប៉េកាំងដែលថានឹងផ្តល់វ៉ាក់សាំងផលិតដោយចិនធ្វើជាទំនិញសាធារណៈជាសកលសម្រាប់ប្រទេសកំពុងអភិវឌ្ឍន៍។

ក្រុមអ្នកជំនាញនិយាយថា ឆន្ទៈនយោបាយនិងសមត្ថភាពឧស្សាហកម្មមានន័យថា ប្រទេសចិនអាចដើរតួនាទីយ៉ាងសំខាន់ក្នុងការធ្វើឲ្យប្រសើរឡើងនូវការផ្គត់ផ្គង់វ៉ាក់សាំងកូវីដ។ ប៉ុន្តែសំណួរនៅតែមានអំពីប្រសិទ្ធភាពវ៉ាក់សាំងនិងតម្លាភាពទិន្នន័យក៏ដូចជារបៀបដែលទីក្រុងប៉េកាំងនឹងធ្វើឲ្យមានតុល្យភាពរវាងគោលបំណងរបស់ខ្លួននៅឯបរទេសជាមួយនឹងការចាក់វ៉ាក់សាំងដល់ប្រជាជនក្នុងស្រុករបស់ខ្លួនចំនួន១.៤ពាន់លាននាក់ផងដែរ។

នៅក្នុងសន្និសីទសារព័ត៌មានកាលពីចុងសប្តាហ៍ មន្ត្រីសុខាភិបាលបាននិយាយថា ប្រទេសចិនមិនទាន់អនុម័តលើបេក្ខជនវ៉ាក់សាំងដែលផលិតក្នុងស្រុកសម្រាប់ការប្រើប្រាស់ទូទៅនៅឡើយទេប៉ុន្តែបេក្ខជនវ៉ា់ក់សាំងខ្លះបានបញ្ចេញទិន្នន័យគ្រប់គ្រាន់ពីការសាកល្បងដំណាក់កាលទី៣របស់ពួកគេសម្រាប់ការវិភាគបណ្តោះអាសន្នហើយបញ្ជូនទិន្នន័យទៅនិយតករសម្រាប់ការពិនិត្យឡើងវិញឈរលើមូលដ្ឋានដាក់ចេញឲ្យប្រើប្រាស់រួចទៅហើយ។

ទោះបីជាយ៉ាងណាក៏ដោយ វ៉ាក់សាំងដែលបង្កើតដោយចិនបានចាប់ផ្តើមដឹកជញ្ជូនទៅទូទាំងពិភពលោករួចទៅហើយខណៈបណ្តាប្រទេសដែលបានជួយធ្វើការសាកល្បងជាមួយក្រុមហ៊ុនចិនគឺស្ថិតក្នុងចំណោមអ្នកដែលនឹងទទួលបានវ៉ាក់សាំងមុនគេ៕

ប្រែសម្រួលដោយ៖ Vann Vann

ប្រភព៖ SCMP

ចុចអាន៖ ចិន មានកាដូពិសេសជូនប្រជាជនសម្រាប់បុណ្យចូលឆ្នាំថ្មីប្រពៃណីជាតិ

ចុចអាន៖ អ្នកស្ម័គ្រចិត្តធ្វើតេស្តមានបញ្ហាសរសៃប្រសាទក្រោយសាកល្បងវ៉ាក់សាំងរបស់​ចិន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ6 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ6 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ8 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ8 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services