ក្រោយគ្រប់គ្រងបានជាង ៨ ខែ ពេលនេះតៃវ៉ាន់រកឃើញករណីឆ្លងកូវីដក្នុងស្រុកលើកដំបូង

កោះតៃវ៉ាន់នៅថ្ងៃអង្គារ ទី២២ ខែធ្នូ នេះបានរាយការណ៍ពីករណីចម្លងជំងឺកូវីដ ១៩ ក្នុងស្រុកលើកដំបូងក្នុងរយៈពេលជាង ៨ ខែកន្លងមកនេះ ។

លោក Chen Shih-chung រដ្ឋមន្រ្តីក្រសួងសុខាភិបាលបានប្រាប់សន្និសីទសារព័ត៌មានថា ករណីចម្លងក្នុងស្រុកនេះគឺជាស្ត្រីម្នាក់ជាមិត្តភក្តិអ្នកមានករណីឆ្លងជំងឺកូវីដ ១៩ កាលពីលើកមុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះតាមហ្វេសប៊ុករបស់ក្រសួងសុខាភិបាលបានឲ្យដឹងថា ពួកគេបានមានទំនាក់ទំនងតាំងពីថ្ងៃទី ៧ ខែធ្នូដល់ថ្ងៃទី ១២ ខែធ្នូ ។ នាងក៏មានទំនាក់ទំនងជាមួយមនុស្ស ១៦៧ នាក់ផ្សេងទៀតផងដែរដែលក្នុងនោះមាន ១៣ នាក់ត្រូវបានធ្វើចត្តាឡីស័ក ។

មជ្ឈមណ្ឌលគ្រប់គ្រងជំងឺឆ្លង (CDC) របស់តៃវ៉ាន់បានរាយការណ៍ករណីចម្លងជំងឺកូវីដ ១៩ នៅក្នុងស្រុកចុងក្រោយបង្អស់កាលពីថ្ងៃទី ១២ ខែមេសា ។

កោះនេះក៏បានរាយការណ៍ផងដែរនូវករណីនាំចូលបន្ថែមចំនួន ៣ ករណីទៀតនៅថ្ងៃអង្គារនេះ ។ ចាប់តាំងពីរោគរាតត្បាតកូវីដ ១៩ ចាប់ផ្ដើម កោះតៃវ៉ាន់បានកត់ត្រាករណីឆ្លងចំនួន ៧៧០ ករណី និងមានមនុស្សស្លាប់ ៧ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ សេវាមួយក្នុងប្រទេស ថៃ សប្បាយកើបលុយពេលផ្ទុះកូវីដកាន់តែខ្លាំង

ចុចអាន ៖ ថៃ បន្តរកឃើញអ្នក​ឆ្លង​កូវីដ ១៩ ថ្មី សរុប ៤២៧នាក់ ខណៈខេត្ត ២២ កំពុង​ប្រកាស​អាសន្ន