ព័ត៌មានអន្ដរជាតិ

ថៃ បន្តរកឃើញអ្នកឆ្លងកូវីដ ១៩ ថ្មី សរុប ៤២៧នាក់ ខណៈខេត្ត ២២ កំពុងប្រកាសអាសន្ន

បានផុស

៥ years មុន

នៅ

ថ្ងៃអង្គារ ២២ ធ្នូ ២០២០

ដោយ

រដ្ឋាភិបាលថៃ នៅរសៀលថ្ងៃអង្គារ៍នេះ បានអះអាងបន្តរកឃើញករណីអ្នកផ្ទុកកូវីដ ១៩ ថ្មីសរុបដល់ទៅ ៤២៧នាក់បន្ថែមទៀត នាំឲ្យតួលេខឆ្លងសរុបក្នុងប្រទេសនេះ កើនដល់ ៥៧១៦នាក់ ស្របពេលពលរដ្ឋសរុប ២២ខេត្ត បានរកឃើញជាប់ពាក់ព័ន្ធរលករាតត្បាតក្នុងផ្សារបង្គានៅខេត្ត សាមុត សាខុន។

យោងតាមអ្នកនាំពាក្យមជ្ឈមណ្ឌលរដ្ឋបាលជំងឺកូវីដ ១៩ របស់ប្រទេសនេះ លោក Taweesilp Visanuyothin បាននិយាយថា ក្នុងចំណោមករណីរកឃើញថ្មី ៤២៧នាក់ មាន ៣៩៧នាក់ជាពលរកចំណាកស្រុកមកពីប្រទេសភូមា ១៤នាក់ជាពលរដ្ឋថៃ មកពីក្រៅប្រទេស និង ១៦នាក់ផ្សេងទៀត ជាអ្នកពាក់ព័ន្ធរលករាតត្បាតក្នុងផ្សារបង្គារនៅសាមុត សាខុន ផ្ទាល់តែម្តង។

គិតត្រឹមថ្ងៃអង្គារ៍នេះដែល ពលរដ្ឋថៃក្នុងខេត្តជាច្រើន សុទ្ធតែរកឃើញឆ្លងកូវីដ ដោយពាក់ព័ន្ធការផ្ទុះនៅផ្សារបង្គារ ក្នុងនោះមានខេត្ត សារាបុរី ខេត្តផាធំថានី ខេត្តសាមុតប្រាកាន ខេត្តឆាឆឹងសៅ ខេត្តណាខុនផាធំ ខេត្តផេតឆាបុរី និងខេត្តយូតារ៉ាទីត។

លោកវេជ្ជបណ្ឌិត Taweesilp បញ្ជាក់ទៀតថា នៅមានអ្នកពាក់ព័ន្ធផ្សារគ្រឿងសមុទ្រខាងលើប្រមាណជាង ១ពាន់នាក់ទៀត មកពីខេត្តសរុប ២២ ដែលសុទ្ធសឹងជាអ្នកជួញដូរបង្គារជាមួយខេត្តសាមុត សាខុន សុទ្ធតែកំពុងស្ថិតក្រោមការតាមដាន ខណៈអ្នកពាក់ព័ន្ធនឹងពួកគេក៏ត្រូវធ្វើតេស្តដូចគ្នា៕

ត្រឹមរយៈពេល ៣ថ្ងៃប៉ុណ្ណោះ ប្រទេសថៃ បានរកឃើញអ្នកឆ្លងកូវីដ ១៩ ថ្មី សរុបជាង ១៣០០នាក់ ប៉ុន្តែជាសំណាងល្អ តួលេខអ្នកស្លាប់ក្នុងប្រទេសនេះ មិនមានការកើនឡើងនោះឡើយ៕

ប្រែសម្រួល៖ សុភា
ប្រភព៖ Bangkok Post

Related Topics:ប្រទេសថៃ