ព័ត៌មានអន្ដរជាតិ
លោក Zelensky យកអតីតមេ ណាតូ ធ្វើជាទីប្រឹក្សាកំពូល (មានវីដេអូ)
អតីតនាយករដ្ឋមន្ត្រីដាណឺម៉ាក និងជាអគ្គលេខាធិការអង្គការណាតូលោក Anders Fogh Rasmussen បានទទួលយកតួនាទីថ្មីជាទីប្រឹក្សាកំពូលរបស់ប្រធានាធិបតីអ៊ុយក្រែនលោក Volodymyr Zelensky ។
នៅក្នុងការងារថ្មីនេះដែរ លោក Rasmussen បានចុះទៅមើលទីក្រុង Irpen របស់អ៊ុយក្រែន មុនពេលចូលរួមជាមួយជួររដ្ឋាភិបាលទីក្រុងកៀវរបស់លោក Zelensky ក្នុងនាមជាសមាជិកនៃក្រុមអ្នកជំនាញអន្តរជាតិដែលនឹងផ្តល់ដំបូន្មានដល់មេដឹកនាំអ៊ុយក្រែនអំពី “ការធានាសុវត្ថិភាព” សម្រាប់ប្រទេសដែលកំពុងការវាយលុកមួយនេះ ។
ចំណែកនៅក្នុងសេចក្តីប្រកាសព័ត៌មានទាក់ទងនឹងបេសកកម្មថ្មីនេះ លោក Rasmussen បាននិយាយថា “ក្រុមការងាររបស់លោកនឹងពិនិត្យមើលពីរបៀបដែលដៃគូរបស់អ៊ុយក្រែនអាចជួយពង្រឹង និងកសាងកងកម្លាំងប្រដាប់អាវុធរបស់អ៊ុយក្រែនឡើងវិញដើម្បីបញ្ចៀសសង្គ្រាមលុកលុយនាពេលអនាគត” ។
ទន្ទឹមនោះ នេះមិនមែនជាលើកទីមួយទេ ដែលលោក Rasmussen ជួយប្រធានាធិបតីអ៊ុយក្រែន ខណៈនៅឆ្នាំ ២០១៦ អតីតអគ្គលេខាធិការអង្គការណាតូរូបនេះត្រូវបានជួលដោយលោកប្រធានាធិបតី Petro Poroshenko ឲ្យធ្វើជាទីប្រឹក្សាផងដែរ ។
ជាច្រើនឆ្នាំមកនេះ លោក Rasmussen បានធ្វើសេចក្តីថ្លែងការណ៍ជាច្រើនប្រឆាំងនឹងរុស្ស៊ី ដោយបានហៅរដ្ឋាភិបាលទីក្រុងមូស្គូថាជា “សត្រូវយុទ្ធសាស្ត្រ” និងបានអះអាងថា រុស្ស៊ីនឹងលុកលុយរដ្ឋបាល់ទិក ហើយមានតែណាតូប៉ុណ្ណោះដែលអាចបញ្ឈប់រឿងនេះបាន ។
ជាងនេះទៅទៀត លោក Rasmussen ក៏បានបញ្ចេញយោបល់ដែរថា លោកខាងលិចបានបង្កកំហុសក្នុងការមិនផ្តល់ផ្លូវច្បាស់លាស់ឲ្យប្រទេសហ្សកហ្ស៊ី និងអ៊ុយក្រែនសម្រាប់សមាជិកភាពណាតូ ហើយទាក់ទិននឹងជម្លោះក្នុងប្រទេសអ៊ុយក្រែន លោក Rasmussen បានស្នើថា លោកខាងលិចមិនអាចឲ្យរុស្ស៊ីឈ្នះបានឡើយ ។
គួរបញ្ជាក់ថា លោក Anders Fogh Rasmussen បានចាកចេញពីតំណែងជានាយករដ្ឋមន្ត្រីដាណឺម៉ាកក្នុងឆ្នាំ ២០០៩ ដើម្បីក្លាយជាអគ្គលេខាធិការអង្គការណាតូ ហើយចាប់តាំងពីបានចាកចេញពីមុខតំណែងជាប្រធានណាតូក្នុងឆ្នាំ ២០១៤ ជាមួយនឹងយុទ្ធនាការទម្លាក់គ្រាប់បែកទ្រង់ទ្រាយធំលើប្រទេសលីប៊ីក្នុងឆ្នាំ ២០១១ ដែលនាំឲ្យប្រទេសចូលទៅក្នុងសង្រ្គាមស៊ីវិល, លោក Rasmussen បានធ្វើការជាអ្នកប្រឹក្សានយោបាយនៅក្រុមហ៊ុន Rasmussen Global ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អ៊ុយក្រែន ប្រាប់ទីក្រុងបន្ទាប់ដែល រុស្ស៊ី នឹងបើកការវាយលុក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង