ព័ត៌មានអន្ដរជាតិ

ស្រីលង្កាជ្រើសរើសប្រធានាធិបតីថ្មីសប្តាហ៍ក្រោយចំពេលវិបត្តិធ្ងន់ធ្ងរ

បានផុស

២ years មុន

នៅ

ថ្ងៃអង្គារ ១២ កក្កដា ២០២២

ដោយ

រដ្ឋសភារបស់ប្រទេសស្រីលង្កានឹងបោះឆ្នោតជ្រើសរើសប្រធានាធិបតីថ្មីនាថ្ងៃទី២០ ខែកក្កដា ខាងមុខនេះ បន្ទាប់ពីមហាបាតុកម្មឥតឈប់ឈរបានជំរុញឲ្យប្រធានាធិបតីបច្ចប្បន្ន និងនាយករដ្ឋមន្ត្រីដែលត្រូវជាបងប្រុសបង្កើតរបស់ប្រធានាធិបតីលាលែងពីតំណែងចំពេលវិបត្តិសេដ្ឋកិច្ចធ្ងន់ធ្ងរបំផុត។

ប្រធានាធិបតី លោក Gotabaya Rajapaksa គ្រោងដាក់ពាក្យលាលែងពីតំណែងនាថ្ងៃពុធស្អែកនេះ។ បងប្រុសបង្កើតរបស់លោកដែលជានាយករដ្ឋមន្ត្រី និងក្មួយប្រុសជារដ្ឋមន្ត្រីបានលាឈប់កាលពីប៉ុន្មានខែមុន ខណៈពេលស្រីលង្កាបានចាប់ផ្តើមខ្វះឥន្ធនៈ ប្រេង ម្ហូបអាហារ និងសម្ភារប្រើប្រាស់ចាំបាច់ផ្សេងៗក្នុងវិបត្តិសេដ្ឋកិច្ចធ្ងន់ធ្ងរបំផុតគិតចាប់តាំងពីប្រទេសនេះទទួលបានឯករាជ្យពីចក្រភពអង់គ្លេសក្នុងឆ្នាំ១៩៤៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកសភា លោក Mahinda Yapa Abeywardena បាននិយាយក្នុងសេចក្តីថ្លែងការណ៍មួយថា សភានឹងធ្វើការកោះប្រជុំឡើងវិញនាថ្ងៃសុក្រនេះ ហើយនឹងធ្វើការបោះឆ្នោតដើម្បីជ្រើសរើសប្រធានាធិបតីថ្មីក្នុងរយៈពេល៥ថ្ងៃក្រោយ។

សេចក្តីថ្លែងការណ៍បានលើកឡើងថា ៖«អំឡុងពេលកិច្ចប្រជុំរបស់មេដឹកនាំគណបក្សដែលបានធ្វើនៅថ្ងៃនេះ បានឯកភាពគ្នាថា នេះគឺពិតជាសំខាន់ណាស់ដើម្បីធានាបាននូវរដ្ឋាភិបាលថ្មីមួយចូលរួមគ្រប់គណបក្សទាំងអស់ឲ្យស្របតាមរដ្ឋធម្មនុញ្ញ»។

«គណបក្សកាន់អំណាចបាននិយាយថា លោកនាយករដ្ឋមន្ត្រី និងគណៈរដ្ឋមន្ត្រីបានត្រៀមខ្លួនរួចរាល់ហើយក្នុងការលាលែង ហើយតែងតាំងរដ្ឋាភិបាលថ្មីដែលចូលរួមគ្រប់គណបក្សនយោបាយ»។

លោកនាយករដ្ឋមន្ត្រី Ranil Wickremesinghe ដែលទើបចូលកាន់តំណែង ហើយគេហដ្ឋានផ្ទាល់ខ្លួនរបស់លោកក្លាយជាកន្លែងតវ៉ាបាននិយាយថា លោកនឹងលាលែងពីតំណែង។ ការិយាល័យរបស់លោកបាននិយាយថា លោក Rajapaksa បានបញ្ជាក់ពីផែនការលាឈប់របស់លោកហើយ៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសស្រីលង្កា