ព័ត៌មានអន្ដរជាតិ
ចិន ផ្លែផ្កាឲ្យ អាមេរិក ថា សង្គ្រាមត្រជាក់ថ្មីនឹងមិនមានប្រទេសណាឈ្នះឡើយ
ឯកអគ្គរដ្ឋទូតចិនប្រចាំសហរដ្ឋអាមេរិកលោក Qin Gang បាននិយាយនៅឯវេទិកាសន្តិសុខ Aspen ថា មិនមានប្រទេសណាដែលចង់មានសង្រ្គាមត្រជាក់ថ្មីនោះទេ ព្រោះគ្មានប្រទេសណាមួយជាអ្នកឈ្នះឡើយ ។
លោក Qin បាននិយាយកាលពីថ្ងៃពុធថា “វាថែមទាំងអាចនាំទៅរកផលវិបាក ក៏ដូចជាមិនអាចទទួលយកបានសម្រាប់ពិភពលោកទាំងមូលផងដែរ ។ ជាពិសេសប្រធានាធិបតីសហរដ្ឋអាមេរិកលោក Joe Biden ធ្លាប់បានសង្កត់ធ្ងន់ជាច្រើនលើកហើយថា ប្រទេសរបស់លោកមិនស្វែងរកការប្រឈមមុខដាក់គ្នាបន្ថែមទៀតជាមួយប្រទេសចិននោះទេ” ។
លោកឯកអគ្គរដ្ឋទូតបានបន្ថែមថា “គន្លឹះសំខាន់នោះគឺមេដឹកនាំពិភពលោកត្រូវតែគោរពពាក្យសម្តីស្របនឹងសកម្មភាព ។ យើងសង្ឃឹមថា ភាគីអាមេរិកនឹងធ្វើការធានាឡើងវិញអំពីយុទ្ធសាស្ត្រនេះ ស្របពេលដែលទីក្រុងប៉េកាំងក៏មិនមានចេតនាណាមួយចង់កាច់កង់លើបញ្ហាដែលទាក់ទងនឹងផលប្រយោជន៍ជាតិផងដែរ” ។
លោក Qin បញ្ជាក់ថា “ក្នុងនាមជាឯកអគ្គរដ្ឋទូត ខ្ញុំដឹងពីទំនួលខុសត្រូវរបស់ខ្ញុំ ។ ការងាររបស់ខ្ញុំគឺត្រូវអនុវត្តតាមការយោគយល់គ្នាទៅវិញទៅមកដ៏សំខាន់រវាងប្រធានាធិបតី Xi Jinping និងប្រធានាធិបតី Joe Biden ដើម្បីធ្វើឲ្យប្រាកដថា ទំនាក់ទំនងចិន-អាមេរិកមានស្ថិរភាព គ្រប់គ្រង និងស្ថាបនា ហើយយើងក៏ចង់កសាងទំនុកចិត្ត ការគោរព និងកាត់បន្ថយការយល់ច្រឡំ ក៏ដូចជាការគិតខុសណាមួយផងដែរ” ។
ជាចុងក្រោយលោកឯកអគ្គរដ្ឋទូតបានចង្អុលបង្ហាញទៀតថា ប្រទេសទាំងពីរមានភាពខុសប្លែកគ្នា ហើយសុំឲ្យអាមេរិកកុំជ្រៀតជ្រែកកិច្ចការផ្ទៃក្នុងរបស់ប្រទេសចិន ក៏ដូចជាធ្វើឲ្យខូចផលប្រយោជន៍របស់ប្រទេសចិន ហើយក្នុងនាមជាអ្នកការទូត យើងត្រូវក្រោកឈរឡើងដើម្បីនិយាយថា ទេ ដើម្បីការពារផលប្រយោជន៍របស់យើង ព្រោះនេះជាការងាររបស់អ្នកការទូតគ្រប់រូប” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អាមេរិក ឲ្យអឺរ៉ុបប្រាប់ចំៗអាវុធដែល អ៊ុយក្រែន ត្រូវការ ដើម្បីងាយស្រួលផលិត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង