ក្រោយបញ្ចប់ដំណើរទស្សនកិច្ចនៅ តៃវ៉ាន់ លោកស្រី Pelosi សរសើរ ចិន ពេញៗមាត់

នៅក្នុងបទសម្ភាសន៍លើកដំបូងកាលពីថ្ងៃអង្គារ បន្ទាប់ពីការបញ្ចប់ដំណើរទស្សនកិច្ចដ៏ចម្រូងចម្រាស់ទៅកាន់កោះតៃវ៉ាន់ ប្រធានសភាតំណាងរាស្រ្តសហរដ្ឋអាមេរិកលោកស្រី Nancy Pelosi បានសរសើរពេញៗមាត់ដល់ប្រទេសចិនថាជា “សង្គមសេរីបំផុតមួយនៅក្នុងពិភពលោក” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Pelosi បាននិយាយប្រាប់កម្មវិធី “Today” របស់ទូរទស្សន៍ NBC ថា “លោកស្រី Pelosi គាំទ្រគោលនយោបាយ “ចិនតែមួយ” ប៉ុន្តែលោកស្រីក៏ទទួលស្គាល់ចំពោះកំហុសដ៏អាម៉ាស់មួយផងដែរដែលបានធ្វើឲ្យមនុស្សនៅលើបណ្ដាញសង្គមផ្ទុះការខឹងសម្បារ” ។

លោកស្រី Pelosi បាននិយាយថា “យើងនៅតែគាំទ្រគោលនយោបាយ ‘ចិនតែមួយ’, យើងទៅទីនោះដើម្បីទទួលស្គាល់ស្ថានភាពបច្ចុប្បន្ននៃគោលនយោបាយរបស់យើង ហើយវាមិនមានអ្វីរំខានដល់ចិននោះទេ ។ ប្រទេសចិនគឺជាសង្គមសេរីបំផុតមួយនៅក្នុងពិភពលោក ដោយសារតែខ្ញុំមកពីប្រទេសប្រជាធិបតេយ្យដ៏រឹងមាំ និងជាមនុស្សក្លាហាន” ។

ដំណើរទស្សនកិច្ចកាលពីសប្ដាហ៍មុនមកកាន់កោះតៃវ៉ាន់របស់លោកស្រី Pelosi បានទាក់ទាញការចាប់អារម្មណ៍យ៉ាងខ្លាំងលើសកលលោក ហើយក៏បង្កើនភាពតានតឹងកាន់តែខ្លាំងឡើងផងដែររវាងសហរដ្ឋអាមេរិក និងចិន ខណៈកាលពីពេលថ្មីៗនេះរដ្ឋាភិបាលទីក្រុងប៉េកាំងបានធ្វើសមយុទ្ធយោធាទ្រង់ទ្រាយធំជាបន្តបន្ទាប់ ដើម្បីឆ្លើយតបទៅនឹងដំណើរទស្សនកិច្ចនេះ ។

ទន្ទឹមនឹងនេះដែរ ក្រសួងការបរទេសចិនក៏បានចោទទីក្រុងវ៉ាស៊ីនតោនថាមិនបានគោរពគោលនយោបាយចិនតែមួយ និងបានប្រកាសដាក់ទណ្ឌកម្មប្រឆាំងនឹងលោកស្រី Pelosi និងក្រុមគ្រួសាររបស់លោកស្រីចំពោះដំណើរធ្វើទស្សនកិច្ចមកកាន់តៃវ៉ាន់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ គ្រាន់តែក្រុមហ៊ុន តៃវ៉ាន់ មួយជាចំណែកសេដ្ឋកិច្ចធំបំផុតរបស់ពិភពលោក