Connect with us

ព័ត៌មានអន្ដរជាតិ

ភ្លើងឆេះព្រៃនៅ អាល់ហ្សេរី សម្លាប់មនុស្ស ២៦នាក់

បានផុស

នៅ

មនុស្សចំនួន២៦នាក់បានស្លាប់ និងរាប់សិបនាក់ទៀតរងរបួស ដោយសារភ្លើងឆេះព្រៃ ដែលបានបំផ្លិចបំផ្លាញភាគខាងជើងប្រទេស អាល់ហ្សេរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kamel Beldjoud រដ្ឋមន្ត្រីក្រសួងមហាផ្ទៃរបស់ប្រទេសនេះ បាននិយាយថា មនុស្សចំនួន ២៤នាក់បានស្លាប់នៅខេត្ត El Tarf ជិតព្រំដែនជាប់ប្រទេស ទុយនីស៊ី ខណៈម្តាយនិងកូនស្រីម្នាក់ បានស្លាប់នៅទីក្រុង Setif។

ក្រុមអ្នកពន្លត់អគ្គិភ័យ ដែលមានជំនួយពីឧទ្ធម្ភាគចក្រ នៅតែព្យាយាមទប់ទល់ជាមួយការឆាបឆេះជាច្រើនកន្លែងកាលពីល្ងាចថ្ងៃពុធ ខណៈ​អ្នក​ស្រុក​ប្រហែល​៣៥០​នាក់ ​ត្រូវ​បាន​ជម្លៀស​ចេញ​នៅ​តាម​ខេត្ត​នានា។

ទីភ្នាក់ងារការពារជនស៊ីវិលបាននិយាយថា ខេត្ត El Tarf គឺជាកន្លែងដែលរងគ្រោះខ្លាំងជាងគេបំផុត ដោយមានភ្លើងឆេះព្រៃចំនួន ១៦ កំពុងវាយប្រហារ។

គួរបញ្ជាក់ថា ប្រទេសអាល់ហ្សេរីភាគខាងជើង គឺរងផលប៉ះពាល់ដោយភ្លើងឆេះព្រៃជារៀងរាល់ឆ្នាំ។ មនុស្សប្រហែល៩០នាក់ត្រូវបានគេគិតថា ស្លាប់ក្នុងភ្លើងឆេះព្រៃកាលពីឆ្នាំមុន ហើយព្រៃឈើជាង ១០០ ០០០ហិកតាត្រូវបានដុតបំផ្លាញ។

កាលពីខែសីហាឆ្នាំមុន លោក Beldjoud បានស្តីបន្ទោសការរីករាលដាលនៃភ្លើងឆេះព្រៃនៅក្នុងតំបន់ Kabyle នៃប្រទេសអាល់ហ្សេរី ទៅលើការលួចដុត ដោយអះអាងថា មានតែឧក្រិដ្ឋជនប៉ុណ្ណោះ ដែលអាចពន្យល់បាន អំពីការផ្ទុះឡើងក្នុងពេលដំណាលគ្នា នៃអគ្គិភ័យប្រហែល ៥០កន្លែង នៅទូទាំងតំបន់មួយចំនួន៕

ប្រែសម្រួល៖ Vann Vann

ប្រភព៖ BBC

ចុចអាន៖ រលកកម្តៅសម្លាប់មនុស្សជាង ១០០០នាក់ទូទាំងទ្វីបអឺរ៉ុប ស្របពេលភ្លើងឆេះព្រៃ ក៏កំពុងវាយប្រហារខ្លាំងក្លា (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៧ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣០ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤៤ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៩ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម