ព័ត៌មានអន្ដរជាតិ
អង់គ្លេស និង EU ឈានដល់កិច្ចព្រមព្រៀងពាណិជ្ជកម្ម
មេដឹកនាំចក្រភពអង់គ្លេស និងសហភាពអ៊ឺរ៉ុប (EU) និយាយថា ពួកគេបានឈានដល់កិច្ចព្រមព្រៀងក្នុងការចរចាពាណិជ្ជកម្មក្រោយ Brexit ។
នាយករដ្ឋមន្រ្តីអង់គ្លេសលោក Boris Johnson និងប្រធានគណៈកម្មការអឺរ៉ុបលោកស្រី Ursula von der Leyen បានធ្វើសេចក្តីប្រកាសនេះនៅក្នុងសន្និសីទសារព័ត៌មានដាច់ដោយឡែកពីគ្នាកាលពីថ្ងៃព្រហស្បតិ៍ ។
លោក Johnson បាននិយាយថា ភាគីទាំងពីរបានបញ្ចប់កិច្ចព្រមព្រៀងពាណិជ្ជកម្មដ៏ធំបំផុត ។ លោកបាននិយាយថា កិច្ចព្រមព្រៀងពាណិជ្ជកម្មសេរីគ្រប់ជ្រុងជ្រោយនឹងការពារការងារនៅទូទាំងប្រទេស និងអនុញ្ញាតឲ្យទំនិញ និងគ្រឿងបន្លាស់ចក្រភពអង់គ្លេសត្រូវបានលក់ដោយគ្មានពន្ធនៅក្នុងទីផ្សារអឺរ៉ុប ។
ចំណែកលោកស្រី Von der Leyen បាននិយាយថា វាជាផ្លូវវែងឆ្ងាយ និងវិលវល់ ប៉ុន្តែភាគីទាំងពីរទទួលបានកិច្ចព្រមព្រៀងដ៏ល្អមួយ ។ លោកស្រីបានហៅកិច្ចព្រមព្រៀងនោះថា “យុត្តិធម៌” និង “មានតុល្យភាព” ។
កិច្ចព្រមព្រៀងនេះបានកើតឡើងត្រឹមតែ ៧ ថ្ងៃប៉ុណ្ណោះមុនកាលបរិច្ឆេទកំណត់នៅបញ្ចប់ឆ្នាំ ។
ស្របពេលជាមួយគ្នានេះក្រុមអ្នកវិភាគនិយាយថា កង្វះកិច្ចព្រមព្រៀងណាមួយនឹងធ្វើឲ្យប៉ះពាល់ដល់សេដ្ឋកិច្ចអង់គ្លេស និង EU ដែលកំពុងរងផលប៉ះពាល់រួចទៅហើយពីការឆ្លងរាលដាលនៃជំងឺកូវីដ ១៩ ។
កិច្ចព្រមព្រៀងបញ្ចៀសពន្ធគយដែលនឹងត្រូវដាក់លើផលិតផលដែលត្រូវធ្វើពាណិជ្ជកម្មវាងចក្រភពអង់គ្លេស និង EU គឺចាប់ពីថ្ងៃឆ្លងឆ្នាំថ្មីតទៅ ។
គួរបញ្ជាក់ថា កិច្ចចរចានេះបានចាប់ផ្តើមនៅក្នុងខែមីនា បន្ទាប់ពីចក្រភពអង់គ្លេសបានចាកចេញពី EU កាលពីខែមករា ខណៈចំណុចចុងក្រោយដែលជាប់គាំងនោះរួមមានសិទ្ធិនេសាទរបស់ EU ក្នុងដែនទឹកអង់គ្លេស ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ វ៉ាក់សាំងកូវីដរបស់ ចិន បង្ហាញលទ្ធផលល្អដោយមានប្រសិទ្ធភាពសឹង១០០ភាគរយ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ