ព័ត៌មានអន្ដរជាតិ
អាមេរិក ផ្លាស់ប្តូរវិធីសាស្រ្តប្រើផ្លូវទឹកវិញ ដើម្បីបញ្ជូនអាវុធទៅ អ៊ុយក្រែន (មានវីដេអូ)
មន្ត្រីមន្ទីរបញ្ចកោណ បានប្រាប់កាសែត Washington Post កាលពីថ្ងៃអាទិត្យទី២៨ខែសីហាថា សហរដ្ឋអាមេរិក បានពង្រីកការចែកចាយសព្វាវុធទៅកាន់ប្រទេសអ៊ុយក្រែន តាមសមុទ្រ ចំពេលមានជម្លោះជាមួយរុស្ស៊ី។
មន្ទីរបញ្ចកោណពឹងផ្អែកជាចម្បងលើយន្តហោះ ដើម្បីបញ្ជូនជំនួយសព្វាវុធដល់រដ្ឋាភិបាលទីក្រុងកៀវ នៅពេលចាប់ផ្តើមប្រតិបត្តិការយោធារុស្ស៊ី ក្នុងប្រទេសអ៊ុយក្រែន។
អាមេរិក បានចាប់ផ្តើមប្រើប្រាស់ផ្លូវសមុទ្រ សម្រាប់វត្ថុមួយចំនួន ពីរបីសប្តាហ៍បន្ទាប់ពីការផ្ទុះឡើងនៃការប្រយុទ្ធគ្នានៅចុងខែកុម្ភៈ។
ប៉ុន្តែប្រតិបត្តិការដែនសមុទ្ររបស់អាមេរិក ត្រូវបានពង្រីកយ៉ាងសំខាន់ក្នុងនិទាឃរដូវ នៅពេលដែលទីក្រុងវ៉ាស៊ីនតោន ចាប់ផ្តើមបញ្ជូនកាំភ្លើងយន្ត និងអាវុធធុនធ្ងន់ផ្សេងទៀត ដែលតម្រូវឲ្យផ្គត់ផ្គង់គ្រាប់ជាច្រើន ទៅកាន់ទីក្រុងកៀវ។
លោកវរសេនីយ៍ឯក Steven Putthoff អនុប្រធានប្រតិបត្តិការ នៅបញ្ជាការដ្ឋានដឹកជញ្ជូនសហរដ្ឋអាមេរិកបាននិយាយថា “នៅពេលដែលយើងចាប់ផ្តើមផ្តល់កាំភ្លើងយន្តដល់ពួកគេ យើងបានដឹងថា យើងនឹងត្រូវការគ្រាប់បន្ថែមទៀត។ ដូច្នេះ យើងអាចរៀបចំផែនការជាមុនបន្តិច ហើយបន្ទាប់មក យើងអាចចាប់ផ្តើមប្រើការដឹកជញ្ជូនតាមផ្លូវទឹកបន្ថែមទៀត ដើម្បីផ្តល់ការគាំទ្រ និងឲ្យសព្វាវុធទៅដល់ទីនោះ”។
កាសែត Washington Post បានចង្អុលបង្ហាញថា យន្តហោះគឺដឹកអាវុធពីអាមេរិកទៅអឺរ៉ុបបានលឿនជាង ប៉ុន្តែកប៉ាល់អាចផ្ទុកទំនិញបានច្រើនថែមទៀត។
ការផ្លាស់ប្តូរវិធីសាស្រ្តចែកចាយរបស់មន្ទីរបញ្ចកោណ បានបង្ហាញពីដំណាក់កាលថ្មីនៅក្នុងជម្លោះនេះ ខណៈអ៊ុយក្រែន និងដៃគូរបស់ខ្លួន ត្រូវដោះស្រាយសម្រាប់អ្វីដែលត្រូវបានគេរំពឹងថានឹងជាសង្រ្គាមញាំញីអាចអូសបន្លាយពេលច្រើនខែ និងអាចច្រើនឆ្នាំ។
ទោះបីជាយ៉ាងណាក៏ដោយ មន្ត្រីការពារជាតិអាមេរិក បានបដិសេធប្រាប់លម្អិតអំពីផ្លូវជាក់លាក់ដែលមន្ទីរបញ្ចកោណប្រើដើម្បីបញ្ជូនអាវុធទៅអ៊ុយក្រែន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អង់គ្លេស អាចអស់សព្វាអាវុធ និងមូលនិធិជួយអ៊ុយក្រែន ត្រឹមចុងឆ្នាំនេះ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?