ព័ត៌មានអន្ដរជាតិ
វៀតណាម បិទថ្នាក់រៀននៅភាគខាងត្បូង ដោយសារទឹកទន្លេលិចសាលា
អាជ្ញាធរអប់រំក្នុងតំបន់បានរាយការណ៍ថា ការកើនឡើងទឹកទន្លេបានជន់លិចសាលាមធ្យមសិក្សាមួយកន្លែងក្នុងទីក្រុង Bien Hoa ខេត្ត Dong Nai ភាគខាងត្បូងប្រទេសវៀតណាម ដោយបង្ខំនាយកសាលាឲ្យសិស្សជាង ៣,៦០០ នាក់ស្នាក់នៅផ្ទះដើម្បីសុវត្ថិភាព ។
ការិយាល័យអប់រំ និងបណ្តុះបណ្តាលរបស់ទីក្រុងបញ្ជាក់ថា សិស្សានុសិស្សទាំងអស់នៃសាលាមធ្យមសិក្សា Phuoc Tan 1 ក្នុងសង្កាត់ Phuoc Tan Ward ទាំង ៣,៦១០ នាក់ ត្រូវបានអនុញ្ញាតឲ្យស្នាក់នៅក្នុងផ្ទះ បន្ទាប់ពីទីធ្លាសាលា និងតំបន់ជុំវិញត្រូវបានជន់លិចទាំងស្រុងដោយទឹកពីទន្លេ Buong ចាប់ពីរសៀលថ្ងៃពុធមកម្ល៉េះ ខណៈផ្លូវនៅមុខសាលាបានជន់លិចក្នុងជម្រៅប្រមាណ ២០ សង់ទីម៉ែត្រ ។
លោក Vo Van Minh ប្រធានការិយាល័យបាននិយាយថា សិស្សទាំងនេះនឹងត្រឡប់ទៅថ្នាក់រៀនរបស់ពួកគេវិញនៅពេលមានការបញ្ជាក់ពីខាងសាលា ហើយសាលានឹងរៀបចំថ្នាក់រៀនបន្ថែមសម្រាប់ពួកគេផងដែរ ក្រោយការត្រឡប់ចូលរៀនវិញ ។
លោកបញ្ជាក់ថា ប្រឈមមុខនឹងស្ថានភាពនេះ គណៈគ្រប់គ្រងសាលាបានសម្រេចចិត្តបញ្ចប់ថ្នាក់រៀនលឿនជាងធម្មតា ហើយពួកគេក៏បានចេញសេចក្តីជូនដំណឹងមួយសម្រាប់សិស្សទាំងអស់ឲ្យឈប់សម្រាកសម្រាប់ហេតុផលសុវត្ថិភាព ។
ចំណែកលោក Tran The Bien ប្រធានរដ្ឋបាលសង្កាត់បាននិយាយថា ផ្ទះជាង ១,១០០ ខ្នង ក្រុមហ៊ុន រោងចក្រ និងផ្ទះសំណាក់ជាច្រើនកន្លែងត្រូវបានជន់លិច ខណៈតំបន់ជាច្រើនផ្សេងទៀតកំពុងស្ថិតនៅក្រោមទឹកជំនន់ពី ១ ទៅ ១.២ ម៉ែត្រ ។
ជាចុងក្រោយលោក Bien បាននិយាយថា មិនមានអ្នករងគ្រោះណាម្នាក់ត្រូវបានរាយការណ៍នោះទេ ប៉ុន្តែទ្រព្យសម្បត្តិ ផ្ទះសម្បែង រថយន្ត និងម៉ូតូមួយចំនួនត្រូវបានខូចខាត ក្នុងអំឡុងពេលទឹកជំនន់ ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ ទឹកជំនន់ក្នុងស្រុកមួយនៅជិតក្រុង បាងកក ឈានដល់កម្រិតគ្រោះថា្នក់ ម៉ាស៊ីនបូមទឹកក៏ជួយលែងបាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ